Yontu 149:1-8

¹Ɩ́ sɑ Tɑcɑɑ. Ɩ́ yoo Tɑcɑɑ kɛ yontu kʋfɑtʋ, ɩ́ yoo ɩ sɑmtʋ kɛ yəlɑɑ kʋpɑmɑ kpekəle tɑɑ.

²Ɩsɛɣɛlɩ nyə́mɑ ɩ́ yɔɔlənɑ wei ɩ ŋmɑ-mɛ tɔ. Siyɔŋ nyə́mɑ ɩ́ wɛɛ ɑŋmɑɑlɑ tɑɑ kɛ mə wulɑʋ tɔɔ.

³Ɩ́ sɑ Ɩsɔ hətɛ nɑ pɑɑlɛ, ɩ́ sɑ-tɛ nɑ ɑkilimɑ nɑ cəmʋɣʋ.

⁴Mpi tɔ, Tɑcɑɑ lɑŋlɛ hɛɛnɑ ɩ yəlɑɑ mɛɣɛ, nɑ ɩ yɑkɩ mpɑ pɑ pɑsəɣɩ pɑ tɩ tɔ, nɑ pɑ nyɔɔŋ kʋləɣɩ.

⁵Yəlɑɑ kʋpɑmɑ ɩ́ wɛɛ ɑcimɑ tɑɑ nɑ pɑ́ tʋ Ɩsɔ kɛ teeli. Ɩ́ wilitinɑ lɑŋhʋlʋmlɛ kɛ mə kʋhəntəŋ tɔɔ kɛ́ ɑhoo.

⁶Ɩsɔ sɑmtʋ ɩ́ wɛɛ mə nɔɔsɩ tɑɑ, nɑ lɑɣɑtɛ nte tə wɛ lɔŋ kɛ tɑɑ nɑ wɑɑlɩ tɔɣɔ mə niŋ tɑɑ.

⁷Nɑ ɩ́ lɛɛtɩ piitimnɑɑ lɛlɑɑ, nɑ ɩ́ tʋ yəlɑɑ lɛlɑɑ kɛ wɑhɑlɑ.

⁸Nɑ ɩ́ hɔkɔ mə ɑwulɑɑ kɛ ɑlukpɑlɑ, nɑ pɛlɛ pɑ wɑɑlɩ nyə́mɑ kɛ nyəɣətʋ.