Salmo 149:1-8

¹Deliǥa is Nengazen! Megkanta kew te veǥu he kentahan para te Nengazen. Deliǥa sikandin diyà te ketiǥuman te menge etew zin he metinumanen.

²Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

³Deliǥa niw sikandin duma is kedsayew wey kedtukar te tamburin wey menge alpa.

⁴Su igkelipey te Nengazen is menge etew zin; mibeǥayan din te zengeg is kenà memepelavawen pinaaǥi te kebpekezaag dan.

⁵Medlipey is menge etew he mepezumdumahan te Megbevayà tenged te kebpekezaag dan; megkanta zan te kegkelipey minsan diyà te menge hizeǥaan dan.

⁶Kinahanglan he igkulahì dan is kedalig dan te Megbevayà dutun te egawed sikandan te meǥarang he menge ispada,

⁷te kebales wey kedsilut te menge etew ziyà te zuma he menge nasyun,

⁸te kebekusa te menge hadì wey menge pengulu zan,