22Aↄ dɛ n nisĩna wɛ̃ni ũ, aↄ dɛ yàbaa ũ n nↄɛ.
23Ńyↄ̃ↄ bɛ n laaiwa, pↄe a kpàlikpanɛo.
24Tó n wulɛ, vĩa a n kũo, ńyↄ̃ wúlɛ i'o na.
25Ńyↄ̃ kai vĩakɛo, ge músi pↄ́ ì vãikɛnaↄ le kã́ndo.
26Asa Dii aↄ dɛ n mikpakĩi ũ, a n gbá vĩ kaia.
27Tó n ↄ lɛ́ n kpɛ le, ńsu gí maakɛi gbɛ̃́ pↄ́ kũ̀ ǹ kɛɛ̀ɛo.
28Tó n dↄnlɛ zɛ́ vĩ, ńsu o n gbɛ̃́deeɛ aà gɛ́ e ziao.
29N gbɛ̃́dee pↄ́ kú n saɛ dↄdↄa, ńsu lɛkpaaĩaàzi ń gbɛ̃eoo.
30Tó gbɛ̃́ i yãe kɛnɛo, ńsu lɛkpaakɛaànↄ pão.
31Ńsu gbãamↄnɛdeↄ kua nidɛo, ńsu ǹ ń kɛae kɛo.
32Asa Dii ye kↄ̃nideↄ gĩyãio, nↄ̀sɛpuadeↄ ↄ̃ ì kɛ a kpàasiaↄ ũ.
33Dii ì láaizĩ gbɛ̃vãiↄ uawa, ì báaada gbɛ̃maaↄ bɛu.
Yáasiↄ 3
Yáasiↄ 3:22-33