19Zĩabusaa taasideↄ guu maa dɛ baadaaa ń ĩ́andãnaↄla.
20Gbɛ̃́ pↄ́ ì laaidↄ yã́wa ì maa e, Dii náaikɛna mɛ́ ìↄ pↄna vĩ.
21Gbɛ̃́ pↄ́ nↄ̀sɛ pàɛ ↄ̃ wì mɛɛ̀ wɛzɛ̃na, gbɛ̃́ pↄ́ a lɛ́ na, wì aà yãdↄ̃a zɛ́ e.
22Laai dɛ wɛ̃ni mi ũ gbɛ̃́ pↄ́ vĩↄnɛ, faasaideↄ yãfaasai ì ń gbɛ̃.
23Ɔ̃nↄna làasoo ì pisi aà lɛ́wa, aà lɛ́ ì to wà aà yãdↄ̃a zɛ́ e.
24Yãna'oaá zↄsapunaɛ, a na nↄ̀sɛu, mɛ́ ì mɛ gba aafia.
25Zɛ́ kú ì kɛ gbɛ̃́ↄnɛ maa, ãma a midɛkĩiá gaɛ.
26Sɛ̃̀wana nↄ̀sɛ ì aà dazĩu, asa nↄana ì tɛ́kpaaàguɛ.
27Gbɛ̃pã ì vãikpaaĩńnↄ, yãvãi ìↄ dↄ aà lɛ́u.
28Gbɛ̃́ dↄ̀ↄsai ì sòle da, gbɛ̃pena ì gbɛ̃naↄ kɛ̃aa.
29Gbɛ̃́ pãsĩ ì kↄ̃nikɛ a gbɛ̃́deeɛ, ì aà da zɛ́ vãiwa.
30Gbɛ̃́ pↄ́ lɛ́ wɛ'i'o làasoo vãi vĩ, gbɛ̃́ pↄ́ lɛ́ lɛsuikɛ zɛ̀ ń vãioɛ.
31Mikã puaá fùa í gbiaɛ, maakɛa mɛ́ ì ń káwà.
32Nↄ̀sɛniɛde maa dɛ zĩgↄ̃a, zĩakũadↄ̃na maa dɛ wɛ̃́lɛsinala.
33Wì yãkɛkɛa gbɛa ń gbɛo, ãma a bↄↄlɛ ì bↄ Dii kĩ́iɛ.
Yáasiↄ 16
Yáasiↄ 16:19-33