SOSUWEE 8:3-11

³Kɛ̀ Sosuwee bɑ́ɑ́tí nɛ̀ o ɑ̃ɑ̃pɔ̀mbɛ̀ kɛ bo pi Aii, kɛ́tɑ̃ɑ̃tɛ́ bɛkpɑ̀rìnuɔmbɛ sikɔupípísìtɑ̃ɑ̃ti (30000) kɛ́nií nkɛyènkɛ̀,

⁴kɛ́ bɛ̀ nɑ̀kɛ́ kɛ dɔ̀: Kɔtɛnɛ̀ kɛ́nhokɛ dihɛì fɔ̃nkúò, di bɑ́ɑ́ dɛ́tɛ́nɛ̀ dihɛì. Dí nwɑ̃kɛ́, kɛ̀ dɛ̀ fuutɛ dí yɛ̀nní.

⁵Mí nnɛ̀ n kɔbɛ kɛ̀ ti tɑroo dihɛì, kɛ̀ bɛ̀ yɛ̀nní kɛ bo ti dokɛ́nɛ̀ tí cokɛ́ ti sòò yĩmɛ̀.

⁶Bɛ̀ yóó ti bɛtimu kɛ̀ tí bɛ̀ dɛ̀tɛ́nɛ̀ dihɛì kɛ̀ bɛ yɛ̀mmɛ̀ ndò nti cokɛ́ ti sòò yĩmɛ̀.

⁷Dɛ mɔ̀nnì kɛ̀ dí yɛ̀nní kɛ́pɔntɛ dihɛì. Ti Yiɛ̀ nKuyie ndì ndi duɔ́mmu.

⁸Kɛ̀ di tɑ dihɛì dí dì cɔ́u nkɛ́dɔɔ̀ ti Yiɛ̀ Kuyie nyɛ̃mmɛ̀ kɛ́ntũ n di nɑ̀kɛ́ tì.

⁹Kɛ̀ bɛkpɑ̀rìnuɔmbɛɛ kɔtɛ Sosuwee bɛ̀ bɛnkɛ dɛ̀, kɛ́nhokɛ Aii nɛ̀ Betɛɛdi dɛ cuokɛ̀ diyiè yìɛ̀ní kɛ̀ɛ̀ bíɛ́kɛ̀, kɛ̀ Sosuwee nkpɑɑ́nɛ̀ bɛsɔmbɛ kɛyènkɛ̀.

¹⁰Kɛ̀ dɛ̀ɛ wentɛ́ kɛ̀ Sosuwee wénní o nìtìbɛ̀ kɛ́tɑ̃nkɛ́ Isidɑyɛɛribɛ kó bɛkótíbɛ̀ kɛ̀ bɛ̀ɛ niitɛ́ fɛnɑfɛ.

¹¹Kɛ̀ bɛkpɑ̀rìnuɔmbɛɛ ò nɛinɛ̀ kɛ̀ bɛ̀ɛ kɔtɛ Aii kɛ́tɔ́ɔ́nko kɛ́bɑ́tɛ́ Aii bɑkù cɑ̃̀nku bíɛ́kɛ̀ kɛ̀ kubiriku mɑkù ńsokɛ́ nɛ̀ Aii bɛ cuokɛ̀.