SOSUWEE 24:16-21

¹⁶Kɛ̀ bɛnìtìbɛ̀ dɔ̀: Tínti bɑ́ɑ́ yóu ti Yiɛ̀ nKuyie nkɛ́fíé yɛbɔkɛ̀.

¹⁷Kɛ yɛ̃́ ti Yiɛ̀ nKuyie nkuù ti dènnɛnímɛ̀ Esibiti tínti nɛ̀ ti yɛmbɛ̀ ti do pĩ́ nkɛ̀ mudɑɑtɔ̃mmú, kɛ ti tɔ kucɛ kɛ ti kɑ̃nkɛ́ kɛ dɔ̀ɔ̀ tidiɛtì kɛ̀ ti pɛ̃ɛ̃tɛ́ní ibotí.

¹⁸Kuù bɛ̀ti ibotí imɔu ti nuɔ mmiɛkɛ, kɛ bɛ̀ti Amɔriibɛ ti mɛ̀ mbo bɛ̀ɛ̀ miɛkɛ. Ti yó ntũ nti Yiɛ̀ nKuyie nku.

¹⁹Kɛ̀ Sosuwee dɔ̀: Di bɑ́ɑ́ nɑ kɛ́pĩ́ nti Yiɛ̀ nKuyie ntɔ̃mmú, kù í mɔkɛ mɛyɛi, kù dɔ́ kuù mɑ́ɑ̀ ndi te. Kɛ̀ di kù bùtínnɛ́ kɛ dɔ̀ɔ̀ mɛyɛi nkù í yóó di yóu.

²⁰Kɛ̀ di kù yóu kɛ fìé yɛbɔkɛ̀ kù yóó di dɔ̀ɔ̀ mɛyɛi mmɛ kɛ di kuɔ, bɑ́ kù mɛ ndi dɔ̀ɔ̀mɛ̀ mɛsɑ̀ɑ̀.

²¹Kɛ̀ bɛ̀ɛ nɑ́kɛ́ Sosuwee kɛ dɔ̀: Bìtì! Ti yó ntũ nti Yiɛ̀ nKuyie nku.