IOSUA 24:16-21

¹⁶Bena hebou taudia ese e haere henia, eto, Ai ese Iehova basia rakatania, dirava idaudia basia toma henidia diho, lasi vaitani.

¹⁷Badina be Iehova, eda Dirava, ese ita bona tamada na Aigupto tanona amo bona iḡui rumana amo e hakauda lasi, bona unu toa badadia e karava ita vairadai, bona eda laolao dalana idoinai ai e hamauridava, edia tano ta rakadia hanai taudia iboudiai bogaragidiai.

¹⁸Iehova ese danu taunimanima iboudiai na ita vairadai e luludia lasi, Amoro taudia una tano ai e nohova ibouboudiai e luludia lasi. Taunabunai ai danu Iehova isiaina baia lao heni, badina be ia na emai Dirava.

¹⁹A Iosua ese hebou taudia e hamaorodia, eto, Iehova isiaina basio lao heni diba; badina be ia na Dirava helaḡana, vageḡe Diravana; ia na emui kara dika bona emui kara havara basine gwaudia tao.

²⁰Iehova boma rakatania bona dirava idaudia isiaidia boma lao heni, ia ese ihanamomui baine hadokoa, ma baine hadikamui.

²¹Hebou taudia ese Iosua e haere henia, eto, Lasi, ai na Iehova isiaina baia lao heni.