Josua 24:16-21

¹⁶Josuatä ude yäweränä ämawebe päke unitä yäŋkuŋ; Nämo! Ninä Yawe mäde ut imiŋpäŋ anutu jopi-jopi gämoriken nämoinik api itne.

¹⁷Yawe Anutunin ini uwä nin ba äbekniye oraniye Isip kome komi epänken nanik nimagutpäŋ kudän kudupi pähap täŋirän dapunintä kaŋkumäŋ. Täŋkaŋ äma ätutä komeken kadäni käroŋi kuŋatkumäŋken u Yawetä watä säkgämän it nimiŋkuk.

¹⁸Ude täŋkaŋ Yawetä Amo nanik ba kome ätu täŋo kome mähem yäwat kireŋpäŋ komeni nimiŋkuk. Unita nin imaka, Yawe gämoriken itkaŋ unita watä piä api täŋ imine, u nintäŋo Anutu unita.

¹⁹Ude yäŋirä Josuatä yäwetkuk; Inä Yawe gämoriken jop täga nämo api itneŋ. Anutu uwä siwoŋi kudupiinik. U ämawebeniyetä anutu ätu nadäŋ yämikta bitnäkinik täk täyak. Ude tänayäŋ täŋo uwä peŋawäkjin täŋo momi täga nämo api peŋ tamek yäk.

²⁰Nadäkaŋ? Täga täŋ tamik täyak upäŋkaŋ Yawe mäde ut imiŋkaŋ kome ätu täŋo anutu jopi yäwatnayäŋ täŋo uwä Yawe uwä äyäŋutpäŋ in täŋpän wawäpäŋ api tadäpmäŋ morewek yäk.

²¹Ude yäweränä ämawebetä Josua ŋode iwetkuŋ; Nämoinik! Ninä Yawe gämorikengän itkaŋ unita watä piä api täŋ imine.