JOSUA 24:16-21

¹⁶Eme ŋic ŋokac jaŋe dâŋ kecʒiŋuc bâtikiecnembiŋ: “Nâŋe Wofuŋ râpeckerâ nemu kiŋaŋ qaqajare i moc mi ejâmbâŋkenaŋmu.

¹⁷Wofuŋ Anutu‐nâŋec e jahac apa ŋosafâc‐nâŋec â nâŋe nâŋâcne Aigita mâreŋte niŋgiŋkonec batarac‐nâpowec. Ehuc fuŋne qaqa mâsi ʒâŋe fai‐nâŋecko bawec. Â hata jumbeŋ sâc eki aki anonoc enârehuc jowac‐nâpohame ŋic gurune gurune jaŋere ŋondeŋko fotâcnembeŋ.

¹⁸Erâ nâŋe mâreŋ ʒira raʒinaŋte Wofuŋ e jahac Amori ŋic gurune gurune ʒira jumbiŋ jaŋe jopa jâpec ejarewec. Irec nâŋe wâc Wofuŋ kiŋaŋ qacnenaŋmu. Eki hâcne nâŋâcne Anutu fârine.”

¹⁹Eme Josuazi ŋic ŋokac ʒiŋuc jazawec: “Wofuŋ e Tiri Anutu, e ʒoɋac‐ticnehec, irec ŋoŋe kiŋaŋ sâcne mi qacneniŋmu. E kiŋ bahac â qaqatara‐ŋeŋic moc mi behe‐jâmbâŋkeocmu.

²⁰Ŋoŋe nemu kiŋaŋ qajarehuc Wofuŋ fârine râpeckeniŋmuo ine wiac biaŋne eŋareweczi ŋerisierâ wiac hâhâwicne bâmâckehuc eŋarerâ sipiric‐ŋopaocmu hâcne.”

²¹Eme ŋic ŋokac jaŋe Josua âzâcnembiŋ: “Aricne, nâŋe Wofuŋ kiŋaŋ qacnenaŋmu.”