Nambas 23

6

13

14

20

21

22

23

24

25

27

33

35

¹⁸Ita Balaam gagalowa ema wane wanase: “Balak, Sipo otopa, Wine ne gagalona ema etaadewaitaa.

¹⁹God ipa mai apanaida ruamba, me mai laga wapi, dia. Me mai insaisawa leusaipona, no apanaida ruamba, dia. Me dima wadia ruawaida dewasade. Dima me sauawalene wadia ideita segaleide, mai dia.

²⁰Me ne dianena sau euda me apanawa osouwo itupa. Me mo osouwo sau euda itun. Sa baiwa ne saua sa mo osouwo ituna mai wadapaaubepa rua, dia.

²¹Iawe God ipa mo do, mo nuaeu mampe mukantoie wadaposintoi ipawa me ipa mo warereu. Me ando mai poka saiwa daitada Iakob nosinosiwa Israelwa osouwo itupi, dia.

²²God Israel apanawa Isibtiwa waimoio banlamono nomoiena. Me mukawa ipa debamaia, kau dobinoa onawaa mukawa rua.

²³Mai mida da Israel apanawa osouwo saua kadiwa wapia rua, dia. Mai wene ba ginauri dewawa mampe mo kadimopua rua, dia. Tane mo Israel apanawa Iakob nosinosiwa umanau wapue wapuase, ‘Ewane, God dewa pokawaa me apanawa baibu dewasan!’

²⁴Israel apanawa mukau ipa debamaia pue onawaa laion rua; me mai di wampia rua, dia, me ideita aleidie moiawa bomodie namode, ita do osinapu remoleidio dialeide. Ita edie aleidie bubualeidie ituleide.”