Nambas 13

6

13

14

20

21

22

23

24

25

27

33

35

¹Iawe God Moses mampe wane wanase,

²“E Israelwa damba 12 bedeuwo uwaulepia apanawa deadea sonabamowo antopue bola Kanaan ne mo wanamodina ewaitusapu.”

³Sa baiwa Moses Iawe God wana rua Paran sala makowa bedewe Israel damba 12 bedeuwo uwaulepia apanawa deadea sonabamone waaubamono anton.

¹⁷Moses ewaitu apanawa waubamone diamone wanase, “E Negeb bolawa bedewainta odane wadiwa aitana.

¹⁸Ita sape wilene bola ewana, sape apana mukamukaua ba oaoarau waimoi ita do apana nataida ba uarau waimoi.

¹⁹Ita do bola ewane ateitana tawo kadiwa ba, euda? Do bola debama ewana, gonaala ba, dia?

²⁰Tane do dogo bedewe mauralala ba ipasiawaia? Tane do ia inintoi ba, dia? E rubusane bola sa nanawa ipawa aisamone do otene winlena.” (Walama sawo, ipa wain bautaa uwauwa walamawa).

²¹Sa baiwa mo ene antone sala makowa ebowa Gin Kanaan tawowa bedewe wimone odane antone Reob bedewe Lebo-amat tampe bola ewaitusaie.

²⁵Ita walama 40 dialeidio apana sa bola ewaitusaie laia leuntone wimoiena.

²⁶Mo leuntone Moses, Aron ita Israel apanawa mampo Kadesiwa Paran sala makowa bedewe wimoiena. Ita mo bola sa eweiena umanawa diamoiena ita do bola sa bedewe nana aisamoiena otamone wimone euwamoieno eweiena.

²⁷Ita mo diamone waienase, “E no waaubanelano bola sa bedewe antene ewatana ipa, bola euda, tawo maurala ita irai inintoia euda. Bola ipa nanawa aisamotana ema ambi no otete winen.

²⁸Tane apana bola sa bedewe waimoia ipa mukamukaua ita bola debamau sa bedewe waimoia ipa mubu debamawa, ita do bola sa gonaantoia belawa ipa badowaia. Ita no sape apana ebowa Anak damba mubu daumau debamauia waimoio ewamotana.

²⁹Ita Amalek apanawa Negeb bedewe waimoi ita Itai, Sebusi ita Amori apanawa wadi sainapainta waimoi, tane bola Kanaan apanawa Mediterenian Owa tampe ita isiwa Ioadan esawa tampe waimoi.”

³⁰Ita Keileb apana Moses tampe eneia diamono dainantoieno ita wanase, “No rua os apana sa nanaumote aimote bola sa wadata, sa baiwa no tauma odate nuba baimba onantate aimote bola wadata.”

³¹Tane apana mida Keileb do odane bola sa bedewe antona waienase, “Dia, apana sa mukamukaua mai no ruwamba, no mai rua antate ita mo do onantata.”

³²Ita mo Israel apanawa bola sa eweiena lagawa gagalowa wane waienase, “No antene bola sa ewatana apana wanwanbu kadisade ita apana uduudu sape waimoia mubu dauma debamau ewamotana.

³³Tane do no apana ebou Nipiliwa sape waimoio ewamotana, mo ipa dan ebou Anakwa nosinosiu. Mo no ewaneia ita do no nuba inainanimba eweitana no ipa kerakera kapoi ruau wainitana.”