Job 1:7-11

⁷Migkaǥi is Nengazen diyà te ki Setanas te, “Hendei ka ebpuun?” Ne midtavak ni Setanas is Nengazen te, “Midriǥuriǥu a ziyà te kelibutan.”

⁸Migkaǥi is Nengazen diyà te kandin te, “Neseǥipè nu ve is suluǥuen ku he si Job? Wazà iring kandin diyà te kelibutan. Metazeng sikandin wey wazà igkesawey kandin. Midtahud e zin wey ebpeninguhà he kenà mekevaal te mezaat.”

⁹Midtavak si Setanas te, “Iyan dà idtehuza zin kenikew su ǥeina te edtuvazan nu sikandin.

¹⁰Idlikey nu te kezeetan sikandin wey is pemilya zin, ragkes en is langun he menge azen din. Edtuvazan nu is langun he ebeelan din, umbe mibmahabet is menge uyaǥen din diyà te tivuuk he tanà.

¹¹Piru kuwaa nu is langun he ziyà te kandin, ne siguradu edrewakan ke zin.”