Isaiah 43:5-11

⁵Kichahih in, ajeh chu Keimankaum pinai. Keiman nangma lenachilhah ho chu solam le lhumlama kona kachop khom dingnahiuve.

⁶Keiman sahlam le lhanglam jah’a, kachapate le kachanute chu leisetkolkim vella konin Israel’a hinpuilutnin kati ding ahi.

⁷Keima a Pathenna einei jouse chuhin puijin, ajeh chu keiman amahochu kaloupina dinga kasem ahi. Keima amaho sempa chu kahi.

⁸Mit neija ahia kho mulou, bilkolneija khojalou ho chu mipi lah’akonin hinpuidoh un.

⁹Chitin-namtinchu hinpui khomun! Vannoi mite chu hinkhom tup’uvin! Milim semthu anei’uchun hitobang hung lhung dinghi aseimasat khah em? Jinga ipiahungso ding aseithei pen aumnadiuvem? Hitobangthuseidohhettohsahhoijaumuvem? Amaho chun thutah asei’u ahi tiaaphotchetna pengam aumna dem?

¹⁰Hinla nangma keima hettohsaha panga nahiuve, Vo Israel! Tin Pakaijin aseije. Nangma kalhachanahi. Nangma hi keima eihechendinga, eitahsan dinga, chule Keimabouhi Pathen kahi ti hetkhenthemna neija nahi. Pathen dangaumpon-Itih’a jong ana um khalou, chule itih’a jong umkhalou ding ahi.

¹¹Kei, Keima tah hi, Pakai chu Kahi, chule Huhhingpudang aumpoi.