Esayi 43:5-11

⁵Bul tiit, yaw laa àndal, maay jële saw askan penku, dajalee leen sowub jant.

⁶Maa naa bëj-gànnaar: “Ësi!” ne bëj-saalum: “Bul téye!” Jëleel sama doom yu góor fu sore, délloosi, te jëleji sama doom yu jigéen fa cati àddina.

⁷Délloosil képp ku ñu ma tudde, te sama màqaama tax ma sàkk ko, tabax ko, sottal ko.»

⁸Indileen ñii diy silmaxa te ami gët; tëx te ami nopp.

⁹Na xeet yépp daje, askan yépp teewandoo. Ana ku nu ci yégaloon lii xew, mbaa mu xamal nu la wees? Na seen seede teew, dëggal leen; ba ñu dégg leen, ne noonu la.

¹⁰Yeen sama ñoñ, yeenay samay seede. Kàddug Aji Sax jee. Yeenay sama jaam bi ma taamu, ngir ngeen xam, ba gëm ma, ba ràññee ne maay moom. Sàkkeesul yàlla ju ma jiitu, mbaa ju may wuutuji.

¹¹Aji Sax ji, mennum man a; amul jotkat bu ma moy.