Isaiah 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Hiche nikho teng leh Judah gamsung cheng mijousen hiche la hi asah diu ahi: Ka khopiuhi dettah ahi! Pathen mi huhhingnabanghon eium kim velun ahi.

²Michonpha hodin kotpi hon pehun; tahsan umtah ho chu lut sah un.

³Nangmatahsanho jouse, lungmong sel’a nakoiding ahin, alunggel jouse nachunga koidet ho chu.

⁴Pakai chu tahsan jing jengun, ajehchu Pakai Pathen chu tonsotsongpi ahi.

⁵Mi kiletsah ho chu asunem jin, khopi kiletsah chu asu lhujin, leivuiasojin ahi.

⁶Mivaicha leh suh genthei aumhon akengtou vin achot phaovin, genthei vaicha ho achunga avah leuvin ahi.

⁷Ahin, michonpha hodin lampi chuaken pon, ajot hahpoije. Thildihjengbol Pathen chu nahin, amalamu lampi nam pet in nalhai.

⁸Pakai, na danthu ho kanit uhin katahsan nao aphongdoh in, namin loupi ding hi kalung ngaichat pennuahi.

⁹Jan khovah in nangma kaholjin; jingkah teng gunchu tah in Pathenkahol ji. Ajehchu leiset thutannanahung teng lebou, miten adih chuahet diu ahi.

¹⁰Migiloute nangai lut nan thilphaaboldoh deh pouve. Midanginthilpha abol vangin, migiloutenthildih lou abol jingu vin, Pakailoupina chu hetphah in aneipouve.

¹¹Aw Pakai na khuttum dopsangeman agel pou ve. Na mite nahuhdoh nomdan chu musah in, chuteng amaho chu jachatna dimdiuahitai. Na meikong chun nagalmiho sumang jeng hen

¹²Pakai chamna neipeh diu ahi; kabol ka suh bulhit jouseu hi nangjala bou ahi.

¹³Aw Pakai ka Pathen u, midanghon kachung uva vai ahin hom uve, ahin nangma bou nahi keima honka hou uchu.

¹⁴Kana jen leuho chu athiuvin, aum gam tapouve. A lhagao dalhahhou hung kile talou hel ding ahi! Nangman nasat nin, na sumanggamtai. Amahochusottahpigelphah louvin aumtauve.

¹⁵Aw Pakai, kanam u nei semletpeh taove; lentah nei so tao vin ahi. Ka gamgi hou jong nei kehlet pehun, loupina nangma kahin peuvinahi!

¹⁶Pakai, lung genthei in nangmakana hol ui. Na thunun pohgihnananoija kahungtao uve.

¹⁷Numei naovop in nao anei na’a na asah a, apenchoi choi banga, Pakai, na umna a kaum tengulehkachuti jiu ve.

¹⁸Keiho jong lungna in kijel chotchot in ka umun, ahin kagentheithoh ujong mohseh ahi. Leiset adinhuhhingna kape thei pouve, hinnajong vannoi a kapolut thei pouvin ahi.

¹⁹Ahin Pakai a thiho chu hunghing diu, atahsau hung thoudohkit ding ahi! Leiset a imu hochuhungthoudoh diu chuleh kipa jalala asah diu ahi. Ajeh chu na hinna-vah kipa chu jingkah daitwi alhahbanga namite thi umna munnahunglha ding ahi.

²⁰Inna cheuvin, kamite, na kot houkam tup un! Chomkhat adin kiselmangun, Pakai lunghanna akichaimasang sen.

²¹Ven! Leiset mite a chonset jehun, gotna pedin Pakai chu van akonin ahungin ahi. Leiset in akithatho asel jou tah lou ding, mijousemudinga hung kipuidoh diu ahi.