Annabi Esayi 43:5-11

⁵Wo naxa gaaxu, n na wo fɔxɔ ra. N fama nɛ wo bɔnsɔɛ ra, kelife sogetede nun sogegorode mabiri,

⁶n fama wo xilide kelife yirefanyi nun kɔɔla ma. ‹Wo fa n ma die ra, kelife yire makuye,

⁷e birin naxee xilixi n xili ra, n naxan daaxi n ma nɔrɛ xa fe ra.›

⁸Ɲamae xa fa naxee ya na kɔnɔ e mu se toma, e tuli na kɔnɔ e mu fe mɛma.

⁹Ɲamae nun sie xa e malan. Nde na e ya ma naxan nu bara yi fe masen won bɛ beenu a xa raba? E xa seedee ramini, naxee nɔma a fe rafiixɛde, alako booree xa a kolon a nɔndi na a ra.»

¹⁰Alatala xa masenyi nan ya, «Wo tan nan na n ma seedee ra, n ma konyi sugandixi, alako wo xa n kolon, wo xa la n na. Ala yo mu nu na n ya ra, Ala yo mu fama n xanbi ra.

¹¹N tan keren nan na Alatala ra. Mixi rakisima yo mu na bafe n tan na.