ISAIA 43:5-11

⁵Basio gari, badina be lau na oi ida; oi garamu na laurabada kahana amo baina hakaudia mai, bona lahara kahana amo baina haboumui.

⁶Mirigini kahana baina hamaoroa, bainato “A kahudia nege”, bona diho kahana baina hamaoroa, bainato “Asio rudia”; natugu mamaruanedia na dauha amo bona natugu hahinedia na tanobada dokona amo ba hakaudia mai;

⁷lau ladagu e henemailaidia taudia iboudiai, ihahairaidia totona na havaradia, na karadia bona oromadia na henidia taudia.

⁸Mai matadia to matadia e kepulumu taudia, mai taiadia to taiadia e kudimamu taudia, a hakaudia lasi.

⁹Basileia iboudiai bae hegogo, bese idau-idau bae hebou. Idia bogaragidiai daika ese ina na baine gwauraia? Daika ese ḡau gunadia baine haheitalaida? Edia hereva ihamomokanidia taudia bae mailaidia, igwaurai-maorodia totona; bae kamonai, bena baeto “Hereva momokanina”.

¹⁰Iehova na e tomu: Umui na egu hereva ihamomokanidia taumui; umui na egu hesiai, vada na abimui hidi, ba dibagu bona bavabiabiraigu totona, bona lalomui bae parara Lau na Ia. Asi dirava ta ese lau e gunalaigu, bona lau murigu ai danu dirava ta basine hedinarai.

¹¹Lau binai Iehova, asi ihamaurimui ta, lau mo sibogu.