Esayi 43:5-11

⁵“I nama gaxu, amasɔtɔ n luma nɛn i xɔn. N fama nɛn i yixɛtɛne ra sa keli sogeteden binni, n yi sa e malan keli sogegododen binni.

⁶N na a falama nɛn kɔmɛnna binna xa, n naxa, ‘E beɲin!’ N yi a fala yiifanna binna xa, n naxa, ‘I nama e makankan!’ Fa n ma dii xɛmɛne ra sa keli yire makuyeni, e nun n ma dii tɛmɛne sa keli bɔxɔn danne ra,

⁷n xinla falama naxanye birin xun ma n naxanye daxi n ma binyena fe ra, n naxanye rafalaxi, n yi e da.”

⁸Yamani ito ramini naxanye danxuxi, anu e yɛɛne fan, tuli xɔrini itoe, naxanye tunle fan.

⁹Siyane birin xa e malan e bode xɔn, yamanane muxune birin! Nde na fe falaxi e yɛ benun a xa liga? Nde fe fonne ralixi en ma? E xa fa e serene ra, e yi a mayita a yoona e xa! En xa e xuiin namɛ, alogo muxune xa a fala, e naxa, “E ɲɔndi!”

¹⁰Alatalaa falan ni ito ra, a naxa, “Ɛ tan nan n serene ra, ɛ tan naxanye findixi n ma walikɛne ra, n naxanye sugandixi alogo ɛ xa n kolon, ɛ yi la n na. N tan yi na yi benun suxure yo xa rafala, ala gbɛtɛ yo mi na n tan xanbi.

¹¹N tan nan Alatala ra, n tan yati! Ba n tan na, marakisi ti gbɛtɛ yo mi na.