Aisaiya 43:5-11

⁵“Yumob nomo bradin. Mi iya garram yumob. Brom sanraiswei en brom sangodanwei ai garra bringimap yumob mijamet.

⁶Ai garra dalim detlot langa nowathwei en sauthwei, ‘Yumob garra larramgo main sanmob en dodamob fri. Larram olabat kambek brom ola longwei kantri.

⁷Olabat main ronwan pipul. Aibin meigim olabat holot blanga gibitbat mi theingks en preisimbat main neim.’”

⁸Wal YAWEI bin kipgon tok, “Ai garra bringimap main pipul olabat mijamet. Olabat garram dubala ai, bat olabat kaan luk, en olabat garram dubala irriwol, bat olabat kaan irrim.

⁹Dalim ebribodi langa ebri kantri blanga majurrumap miselp raidaran. Nomo enibodi gin tok trubalawei, ‘Wibin dalim yu dijan garra hepin!’ If enibodi bin irrim olabat tok lagijat, wal yu dalim melabat na.

¹⁰“Main pipul olabat, yumob na jidan main witnis, en main ronwan wekinmen olabat. Mi na bin pikimat yumob. Ai wandim yumob garra sabi mi, en trastim mi en sabi oni mi na God. Mi na wanbala God olagijawan. Nobodi mowa jidan laik mi. Najing.

¹¹“Oni mi na YAWEI, en oni mi na gin seibum yumob.