1Babylon te pathen ho- Bel le Nebo, chu tol lama abunginakun lhonne. Ama ni hi bongkang’a poh thethun atol manguvinahi. Potpo gancha teni chun poh leljeh’in alon pi le len ahi.
2Lim semthu teni le anei hou chuakun lhasuh un ahi. A pathen houchun amite aveng bit jou pon, chuleami teuvin a pathen’u aveng bitjou pouve. Abonchauvin, sohchangdingin apui mang tha’uvin ahi.
3Jacob chilhah hon kasei hi ngaijunlang, Israel sunga amoh them jouse, Keiman nangho napen’uva patnaka gelkhoh’u nahiu ahitai. Henga, napen masang peh’uva kavop nahiu ahitai.
4Na hinkhou lhung keija Keimana Pathen’u kahi ding ahi- Nakum’u ahung tah jeh’a nasamkan gei ja jong, Kasem nahiuvin, nanghokagelkhohjingdingnahiuve. Keiman kapui leuva chulekahuhdoh ding nahiuve.
5Keima hi koito nei tekah dinguhitam? Koi ham ka kibahpi chu?
6Mi phabep ho chun adangka houle asana ho’u chu ajunsah un chulechua kona lim semthu pathen semdingin mi aki thalah’un ahi. Amaho chu milim anga chun akunuvinchuin hichu ahou’uvin ahi.
7Ama hon alenguva apo le leuvin, chule ama hon akoilhah tenguleh, chua chun aum denin, achat lohtheipoi. Akoma ga taova jongadonbuttheipon, koimajonghahsatna’a ahuhdoh theipoi.
8Hiche hi sumil hih in! Lunga chingin! Themona neihon hiche hi
9Phatchesa’a kathilboldoh hogeldoh in. Ajeh iham itileh Keimabou Pathen kahi! Keima Pathen Kahin, chule kei tobang koima aumpoi.
10Keiman khonung thu ahunglhung ding, aguilhun masanga kahilthei nahiuve. Kagonsa, kagel chanchu bol jia kahi jeh in, hung guilhung tei ding ahije.
11Keiman Solam gama konavacha leng gang tah ne hattahchu kakouva- gamla tah gamakonna lamkai khat hungin tinchule katepna banga abol ding ahi. Keiman kabol ding ahi kanati chu, Kabol tei ding ahi.
12Mi louchal ho, thilpha bolnadinga gamla tah’a umho, kaseingaijuvin.
13Ajeh iham itileh thil ijakaiadih bolna dinga kigosa um kahi, agamla tah ding hijo louvin, tu tuading kasei ahi. Keiman Jerusalemkahuhdoh nomin, chule Israelhenga kaloupina kavet sah ding ahi.
