Esayi 54

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹«Yaw mi jaasir ba juroo, xaacul! Yaw mi xamul mititu mat, sarxolleel.» Aji Sax ji nee: «Ndaw si ñu foñ moo gëna jaboot kiy séy.

²Yaatalal sa xayma bi, firi sa sori xayma yu gëna yaa te bul yéem. Yokkal sa buumi xayma te samp say bant, mu dëgër.

³Dinga saam ay doom ndijoor ak càmmoñ, saw askan moom ay xeet, sancaat dëkk yu gentaloon.

⁴Bul tiit, doo rus mukk. Bul jaaxle, deesu la kersaal mukk. Sa gàcce ga ba ngay ndaw, dinga ko fàtte, te sa tiisu jëtun wa dootoo ko fàttliku.

⁵Sa jëkkër, ki la sàkk, Aji Sax ji Boroom gàngoor yee di turam. Aji Sell ju Israyil moo la jot, te moo di Yàllay àddina sépp.

⁶Aji Sax jee la woo, nga dib jeeg bu ñu wacc, sa xol jeex tàkk, Mu ne la: “Nees di wacces ndaw, si nga takk ba ngay ndaw?”» Sa Yàllaa ko wax.

⁷Mu ne: «Maa la wacc diir bu gàtt, dellu la jël ci yërmande ju yaa.

⁸Sama xol a jóg, ma xañ la sama kanam ab diir, waaye maa lay yërëme ngor gu sax.» Aji Sax, ji lay jot moo ko wax.

⁹Mu ne: «Na ma defoon ak ndoxum Nóoyin ma mooy lii tey. Maa giñoon ne ndoxum Nóoyin ma, mu ni day dootu wale kaw suuf. Noonu it laay giñe ne duma la mereeti, duma la rëbbati.

¹⁰Bu tund yu mag yi doon toxu, yu ndaw yiy raf sax, sama ngor du la toxul, te sama kóllërey jàmm du raf.» Aji Sax ji la yërëm moo ko wax.

¹¹«Ngalla yaw Yerusalem, mi ngëlén pamti-pamtee ba nga jàq, te kenn dalalu la, man Aji Sax ji, maa ngii di la tabaxe doj yu ne ràññ, samp la ci kenuy safiir.

¹²Maay defare sa kawi tata peri rubi, def say wunt per yuy lerxat, def sa tata yi la wër yépp doj yu bakkane,

¹³mboolem sa doom yu góor ay jànge ci Aji Sax ji, boole kook jàmm ju ne ñoyy.

¹⁴Njekk moo lay dëgëral, nga sore noteel, doo tiit; sore tiitaange, du la jege.

¹⁵Xanaa dees na songe moos, waaye ku la song it, yebalu ma ko, te ku la song daanu fi sa kanam.

¹⁶Xoolal, man maa sàkk ab tëgg buy wal taalu këriñ, defar ca ngànnaay lu ne. Waaye maa sàkk it yàqkat buy rajaxe.

¹⁷Ngànnaay lu ñu la mana sàkkal, du sotti, te boroom làmmiñ wu la jógal cib layoo yaa koy tiiñal. Ñiy jaamu Aji Sax ji, looloo di seen cér, looloo di njekk gi ma leen di dikke.» Kàddug Aji Sax jee.