BƐBAATÍBƐ̀ 19:1-8

¹Dɛ mɔ̀nnì Isidɑyɛɛribɛ do í mɔkɛ okpɑ̀ɑ̀tì, kòo nìtì mɔù mbo Efɑdɑimmu tempɛ̃ nditɑ̃rì ĩ́nkɛ̀ kó dihɛì, dìì dɛ́tirìnɛ̀ yɛtɛyɛ̀. Ò do tú Defiibɛ botí kou nwe kɛ dɛ̀ bo, kɛ́túótɛ́ o pocɛ̃nnì mɑrì Bɛtideɛmmu Sudɑɑ botí miɛkɛ.

²Nɛ̀ di kɛ̀ bɛ̀ɛ kpɑ, kɛ̀ dìi ò yóu kɛ́kò ndi cicɛ cĩ́ɛ̃̀tɛ̀ kɛ́mbo kɛ dɔ̀ bɛtɑ̃̀ɑ̃̀bɛ̀ bɛ̀nɑ̀ɑ̀.

³Kòo dɔùu ítɛ́ kɛ́tũnnɛ kɛ bo ò bɑ́mmú kɛ̀ bɛ̀ɛ̀ kò, kɛ́túótɛ́ sɑ̃mmɑrímúbɛ̀ bɛ̀dɛ́bɛ̀ kòo kóo tɔ̃ntìi ò nɛinɛ̀ kɛ̀ bɛ̀ɛ tuɔkoo, kòo pocɛ̃nnìi ò tɑnnɛ́ di cicɛ cĩ́ɛ̃̀tɛ̀, kòo ò cɔutɛ́ nɛ̀ diwɛ̀ì,

⁴kɛ́duɔ́ nkòo mbo o cĩ́ɛ̃̀tɛ̀ miɛkɛ, kɛ dɔ̀ yɛwe yɛ̀tɑ̃ɑ̃ti. Nɛ̀ o kóo tɔ̃ntì kɛ̀ bɛ̀ nyo nkɛ yɔ̃̀ nkɛ dɔu.

⁵Diyiè nɑɑnnì yiè kɛ̀ bɛ̀ɛ ítɛ́ dikṹnweńnì kɛ dɔ̀, bɛ̀ bo kò nkòo cɔ̀kùu yetɛ kɛ dɔ̀: Kɑrinɛ̀ kɛ́di kɛ́pɛ́tɛ́ muwɛ̃rímú kɛ nɛ́ nɑ kɛ́kétɛ́.

⁶Kɛ̀ bɛ̀ɛ kɑroo kɛ̀ bɛ̀ɛ wɛ̃nnɛ́ kɛ́di kɛ́yɑ̃̀, kɛ́deè, kòo dɑpɑ̀ɑ̀ ncɔ̀kùu ò nɑ̀kɛ́ kɛ dɔ̀: Túótɛ́ mɛfíè kɛ́yíɛ́ kɛ́yie ndiɛ nkɑ̀ɑ yɛ̀mmɛ̀ɛ cɑ́tɛ́.

⁷Kòo ndɔ́ kɛ́kò nkòo cɔ̀kù yetoo kòo yóu kɛ yíɛ́ kɛ́yié.

⁸Diyiè nummurì yiè kɛ̀ dɛ̀ nkpɑɑ́ uu dikṹnweńnì sɛ̀ì kòo bɑ́ɑ́tí kɛ bo kò nkòo cɔ̀kùu yetɛ kɛ dɔ̀: Kɑri kɛ́di, kuyuoku kɛ nɛ́ kétɛ́. Mɛm̀mɛ kòo kɑri kɛ̀ bɛ̀ɛ wɛ̃nnɛ́ kɛ́di.