ПСАЛТЫР 29:2-11

²Услаўлю Цябе, Госпадзе, што Ты падняў мяне і ня даў маім ворагам перамагчы мяне.

³Госпадзе Божа мой! я паклікаў Цябе, і Ты мяне вылечыў.

⁴Госпадзе! Ты вывеў зь пекла душу маю і ажывіў мяне, каб я ня сышоў у магілу.

⁵Сьпявайце Госпаду, сьвятыя Ягоныя, слаўце памяць сьвятыні Ягонай,

⁶бо на хвіліну гнеў Ягоны, на ўсё жыцьцё ўпадабаньне Ягонае: увечары пачынаецца плач, а на раніцу - радасьць.

⁷І я казаў у дабрадзействе маім: «не пахіснуся вавек».

⁸Па ўпадабаньні Тваім, Госпадзе, Ты ўмацаваў гару маю; але Ты схаваў аблічча Тваё, і я сумеўся:

⁹Тады Цябе, Госпадзе, я клікаў, і Госпада майго я маліў:

¹⁰«якая карысьць у крыві маёй, калі я сыду ў магілу? ці ж будзе тло маё Цябе славіць? ці будзе ўзьвяшчаць Тваю праўду?

¹¹пачуй, Госпадзе, і памілуй мяне, Госпадзе! будзь мне памочнікам».