YƐSÃÃ 29:2-11

²Dɛ́úkùnnɛ ti Yiɛ̀ nKuyie nyètìrì, nínkúnɛ̀ ku ììkɛ̀ ku cɛ̃sɑ̀ɑ̀tɛ̀ miɛkɛ.

³Ti Yiɛ̀ nKuyie nkpeńnìmu, kuù te kɛ̀ fɛtɑɑfɛ̀ pɛ̀ú, kɛ̀ kù pɛ̀ú mɛtɑmmɛ̀ mɛniɛ n yĩ́nkɛ̀, kuù bɑkɛ́ mɛnɛ́diɛmɛ̀.

⁴Ti Yiɛ̀ nKuyie nkuù pĩɛ̃kù nɛ̀ muwɛ̃rímú, ti Yiɛ̀ nKuyie nkuù pɛ̀ú mɛtɑmmɛ̀ kperímɛ̀.

⁵Ti Yiɛ̀ nKuyie nkuù pɛ̀ú kɛ̀ dɛtekperɛ̀ duò. Ti Yiɛ̀ nKuyie nkuù kèkíí Dimɑɑ kó dɛtekperɛ̀.

⁶Kuù duɔ́ nkɛ̀ Dimɑɑ kó yɛtɑ̃rɛ̀ yɑ̃̀nku kunɑɑbiiku kɔ̃mɛ, kɛ̀ Edimɔɔ tɑ̃rì yɑ̃̀nku dipɑɑnɑɑbii kɔ̃mɛ.

⁷Ti Yiɛ̀ nKuyie nkuù pɛ̀ú kɛ̀ fɛhɑ̃ɑ̃dɛɛ̀nfɛ̀ yiɛ̀.

⁸Kuyie nkuù pɛ̀ú mɛtɑmmɛ̀ kɛ̀ dikpɑ́ɑ̀ sɑ̃̀nti, kuù duɔ́ nkɛ̀ Kɑdɛɛsi kpɑ́ɑ̀ sɑ̃̀nti.

⁹Kuyie nkuù pɛ̀ú mɛtɑmmɛ̀ kɛ̀ dɛtie nsɑ̃nti, kuù pɛ̀ú kɛ̀ tifɑ̃ɑ̃̀tì yòrì dikpɑ́ɑ̀. Ku cĩ́ɛ̃̀tɛ̀ miɛkɛ bɛmɔu kɛ̀ bɛ̀ tu ku yètìrì ńdɛu.

¹⁰Ti Yiɛ̀ nKuyie nkuù do bɑkɛ́ fɛtɑdiɛfɛ̀ mɔ̀nnì, kuù tu okpɑ̀ɑ̀tì sɑ̃́ɑ̃̀.

¹¹Ti Yiɛ̀ nKuyie nduɔ́ nhɑ kɔbɛ muwɛ̃rímú, pɑ̃ bɛ mɛsɑ̀ɑ̀, kɛ́ bɛ̀ duɔ́ ndiwɛ̀ì.