A Umana Kakailai 29:2-11

²Avat a tul tar tai ra Luluai ra variru ba na topa ra iangina; Avat a lotu tadav ra Luluai ma ra gomgom na minong.

³A nilai ra Luluai i ki taun ra polo; Ra God na minamar i pangpagur, Ra Luluai, i ki taun ra ngala na polo.

⁴A nilai ra Luluai i dekdek tuna, A nilai ra Luluai i mamar mat.

⁵A nilai ra Luluai i bubur ra umana tagatagal; Maia pa, ra Luluai i bubur gigi ra umana tagatagal Lebanon.

⁶I vapil dir da ra nat na bulumakau; Lebanon ma Sirion da ra nat na bulumakau i leing.

⁷A nilai ra Luluai i tulue ra umana kulameme.

⁸A nilai ra Luluai i vadadar ra bil, Ra Luluai i vadadar ra bil Kades.

⁹A umana me dia kakava ta ra nilai ra Luluai, A nilai ra Luluai i rama vue ra lavur mapina davai ta ra pupui. Ma ra lavur mangana par ta ra kubana dia biti: Variru!

¹⁰Ra Luluai i ga ki na king ta ra lovon ta, Maia pa, ra Luluai i ki na king pa na mutu.

¹¹Ra Luluai na tul tar ra dekdek ta ra taraina; Ra Luluai na vadoane ra taraina ma ra malmal.