ПСАЛТЫР 19:2-7

²Хай пачуе цябе Гасподзь у дзень скрухі, хай абароніць цябе імя Бога Якаўлевага.

³Хай пашле табе дапамогу са Сьвятыні, і зь Сіёна хай падмацуе цябе.

⁴Хай успомніць усе прынашэньні ахвяраў твае і цэласпаленьне тваё хай зробіць тлустым.

⁵Няхай дасьць табе, што па сэрцы табе, і ўсе намеры твае няхай выканае.

⁶Мы парадуемся выратаваньню твайму, і ў імя Бога нашага падымем сьцяг. Няхай выканае Гасподзь усе просьбы твае.

⁷Сёньня спазнаў я, што Гасподзь ратуе памазанца Свайго; адказвае яму са сьвятых нябёсаў Сваіх магутнасьцю ратавальнай правіцы Сваёй.