Buk Song 19:2-7

²Olgeta de i save tokaut long dispela samting. Na olgeta nait i tokim yumi gen.

³Tulait na tudak i no gat maus na i no inap toktok. Yumi no save harim nek bilong dispela tupela samting.

⁴Tasol tulait na tudak i skulim ol manmeri long olgeta hap bilong graun. Na tok bilong tupela i go inap long olgeta ples. Long skai God i sanapim wanpela haus sel bilong san.

⁵San i kam ausait, olsem man i marit na i belgut na i lusim rum bilong en na i kam ausait. San i save amamas na bihainim rot bilong en, olsem man bilong ran i redi long resis.

⁶San i save kamap long arere bilong skai na i wokabaut i go long hapsait. I no gat wanpela samting inap hait long hat bilong en.

⁷Lo bilong Bikpela em i stret olgeta, na i save givim nupela laip long yumi. Tok bilong Bikpela em i samting yumi inap bilip tru long en. Em i save givim gutpela tingting long ol man i no gat planti save.