Kap 19:2-7

²Gɨldarɨ gɨldarɨ man madepni do yoŋ. Ae pɨlɨni pɨlɨni mibɨlni yaŋakwa nandamaŋ.

³Teŋteŋɨ gat pɨlɨn tuk gat gen kagani mɨni, do gen arɨpmɨ dɨma yonjil. Nin da uŋun bamot dakon tekni dɨma nandamaŋ.

⁴Mani uŋun da mɨktɨm amɨn morap kɨsi yoyɨŋ dekgamal. Geni kɨŋ mɨktɨm morap kɨsi arɨpmɨ asak. Kundukon Piŋkop da gɨldat do ɨmal yut kɨnda wɨtjɨgɨt.

⁵Gɨldat dabɨl uŋungwan da amɨn kɨnda da mɨŋat paŋek but galagon da yutni yɨpmaŋek waŋga pɨsak, uŋun da tɨlak waŋga pɨsak. Gɨldat dabɨl uŋun amɨn kɨnda da napbɨ gwapbo do tɨmtɨm yaŋek kɨk do asak, uŋun da tɨlak kɨsɨk kɨsɨk aŋek kositni naŋ kɨsak.

⁶Gɨldat dabɨl uŋun kundu dakon dɨwarɨkon da altaŋ wɨŋek terɨ kɨnda kɨsak. Tedepnikon yo kɨnda arɨpmɨ dɨma pasɨljak. Piŋkop dakon geni uŋun wagɨl tagɨsi

⁷Yawe dakon nawa gen uŋun gwaljɨgɨ mɨni wagɨl tagɨsisi. Uŋun da egɨp egɨpnin paŋkaluk asak. Yawe dakon gen uŋun bamɨ taŋ taŋ akdaŋ gɨn, dɨma suŋ tokdaŋ. Uŋun da nandak nandakni mɨni amɨn paŋtagap aban nandaŋ kokwini tagɨsi amɨn dagoŋ.