MELKAHKA KAN 19:2-7

²Rahn koaros lingano kin sansal poatopoat; pwohng koaros e kin duweduwehte.

³Sohte koasoi de lokaia kin wiawi, pil sohte ngihl ehu kin pwarada;

⁴ahpw kalohk wet kin lelpeseng wasa koaros nin sampah. Koht ketikihong ketipin dewe pahnlahng;

⁵ketipin ahpw kin kohieisang nan dewe nimenseng, rasehng ohl kamwohd emen me kin pereperen, oh pil rasehng sounweirentang men me onopadahr en weirentang.

⁶E ahpw kin tapihada eh seiloak pahnlahng sang ni palimese kolahng ni palikapi. Sohte mehkot kak rirsang eh karakar.

⁷Kosonned en KAUN-O me unsek mehlel; e kin pwurehng kakehlahda aramas. Mahsen en KAUN-O me likilik, e kin kaloalokongihala me soaloalokong kan.