Än Salomon Fos 23

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Are ka mot ngeni mongö ren eman samol, kopwe ekiekifichi mine a nom me mwom.

²Are en eman mi mongömong, kopwe fokun atitini mine kopwe eni.

³Kosap mochenia ngeni anan mongö mi fokun annö, pun ena sokun mongö a tongeni atupuk ren.

⁴Kosap angang weires fän iten om kopwe wöümongola, kopwe aea om tipachem o emwen seni.

⁵Lupwen ka kärän nengeni woumw, ese chüen nom. Pun a müttir sü usun chök a angei pöükässin o ässitä läng usun eman ikel.

⁶Kosap mongö enen eman aramas mi kichingau. Kosap mochenia ngeni anan mongö mi fokun annö.

⁷Pun i ewe sokun aramas mi chök ekieki usun liwin. A ürenuk, “Kopwe chök mongö o ün,” nge lon lelukan esap wenechar ngonuk.

⁸Kopwe musäsini ewe mongö ka fen eni, nge om kewe kapasen kilisou repwe lomotongau.

⁹Kosap fos ngeni eman chon tiparoch, pun esap aücheani om kewe kapasen tipachem.

¹⁰Kosap amwökütü ekewe kiä minen lomlom ika tolong lon fanüen ekewe mi mäsen.

¹¹Pun ewe Samol mi Lapalap ar chon alisi mi pöchökül epwe peniir o ü ngonuk.

¹²Kopwe suki lelukom ngeni ekewe kapasen öüröür o aü selingom ngeni ekewe kapasen silelap.

¹³Kosap tipemwaramwar le apwüngü noum. Are ka wichi ngeni efoch wok, esap mäla.

¹⁴Are ka wichi ngeni efoch wok, ka tongeni amanaua manauan seni mäla.

¹⁵Nei, are kopwe mirit, üpwe fokun pwapwa.

¹⁶Lelukei epwe mwänek, are ka apasa kapas mi pwüng.

¹⁷Kosap lolowoiti ekewe chon tipis, nge kopwe chök achocho lon om niuokusiti ewe Samol mi Lapalap fansoun meinisin.

¹⁸Pun ellet epwe wor om apilükülük lon fansoun mwom, nge kosap lichipüng lon om apilükülüköch.

¹⁹Nei, kopwe aüseling o miritila, kopwe ekieki usun om kopwe föri mine a pwüng.

²⁰Kosap chiechi ngeni ekewe mi ünümong wain ika ekewe mi ochomong fituk,

²¹pun ekewe chon ünüpuch me ekewe chon mongömong repwe wöüngauala, nge eman a chök mongö o annut epwe üföüf üf mi kamwakam.

²²Nei, kopwe aüselinga alon semom, ätewe ka up seni, nge kosap aücheangaua inelapom, lupwen a chinlap.

²³Kopwe kamö let, nge kosap amömöla. Kopwe kamö tipachem, kapasen öüröür me weweöch.

²⁴Semen eman chon pwüng epwe fokun meseik, nge eman mi nöüni eman ät mi tipachem epwe pwapwa ren.

²⁵Kopwe föri mine semom me inom repwe pwapwa ren, amwo neminewe mi nöünuk epwe meseik reöm.

²⁶Nei, kopwe fokun aüselingaei o apirüei lon ai föför.

²⁷Pun eman fefin mi amömö inisin fän iten lisowu a wewe ngeni eu pwang mi alolol, nge eman fin lüangau a wewe ngeni eu chönüttu mi wäkükün lon.

²⁸Neminewe a operi mwän usun eman chon solä o alapala iteiten chokewe mi kirikiringau ngeni pwülüer.

²⁹Iö a osupwang? Iö a lolilen? Iö a afisätä fitikoko? Iö a lalapat? Iö a kinas, nge esap wor popun? Iö a parapar lon mesan?

³⁰Chokewe mi momototam le ün wain, chokewe mi chök kükütta ünümer wain mi nofit.

³¹Kosap tup ren ewe wain mi parapar, lupwen a puropur lon ewe kap, a mecheres ngeni om kopwe ün.

³²Iwe, lesopolan om ün, epwe pwichipwich leutum usun pwichipwichin küwen eman serepenit mi poison.

³³Mesom epwe nenengeni mettoch mi mwäl, om ekiek me fos esap fat.

³⁴Kopwe usun chök eman mi nom lukalapen matau, a mailölö o chuwenewenfeil usun chök eman mi nom letonen efoch aü.

³⁵Kopwe apasa, “Ra wichiei, nge üsap kinas. Ra awataei, nge üsap mefi. Inet üpwe nennela? Mürin üpwe pwal ünsefäl.”