Text copied!
CopyCompare
Paama Bible - Proveb

Proveb 23

Help us?
Click on verse(s) to share them!
13Konametautei kovatalimal en titam keil. ?Komundemi keke imat munak komulelas keil? Vuo, romukteinek.
14Ka munak komulelas keil, komutut keil keke irvatei en Ahang.
29?Isei vit, ‘Aue li’? ?Isei longe tisa? ?Isei mul mutit? ?Isei mul musel? ?Isei aven mutetep ka reingeingen asa koa kula? ?Isei meten vilhili tisa?
30Koakeil amunmun houlu amukonek. Anatin, koakeil enges amun oai takeih alonge mukonek.
31Konamaentei uaen koa vilhili tahos valeh lat rendemien onom, avaseini kolesi tahos imok en veite teni ka sakin ongom kas eni.
32Ka en keite teni kilong mahien eni hesuval navong ahai ten atas sin rilik ka kolong mahien teni.
33Metom heles tounah keil vilehiles hemai heteisav, ka rendemien onom hermum revitei.
34Kilonge kihit kovatetavel suval komul en sip tai, kilonge hesuval koa komurur en mas teni ka kuvinuk kova en usite evus kova en usite sav.
35Evus, kihiteni kihit, “Amutinau ka narlongtei. Amuas nau ka narkileatei. ?Vensa nasakras mamea? Tahos imok munak mamun etai mun oai takeih.”