Yontu 65:6-11

⁶Tɑ́ nyʋɣʋ yɑ́tʋ Ɩsɔ nyɑ́ kʋpɑntʋ tɔɔ kɛ́ n nɩɩkɩ tɑ́ kʋsələmʋtʋ, nɑ ń lɑkɩ-tʋɣʋ kɔkɔlɔ nyəmnɑɑ. Nyɑɣɑ tɛtʋ nɑ lʋm pə tənɑsɩ yəlɑɑ tɛɛləɣɩ.

⁷Ɩsɔ nyɑ́ sɩɩnɑ pɔɔŋ nɑ nyɑ́ toŋ, nɑ ń suu nyɑ́ təɣɩ tomɑ.

⁸Nɑ ń hɛɛsəɣɩ teŋku nɑ ɩ holɑ pɑ kɔkɔtɛ, nɑ yəlɑɑ nyəntɛ tɔtɔ.

⁹Antulinyɑ tənɑsɩ tɔɔ nyə́mɑ nɑ́ nyɑ́ kɔkɔlɔ nyəm nɑ pɑ́ nəɣəsəɣɩ, nɑ lɑŋhʋlʋmlɛ nɑ́ɑ́ kʋɣɩ ilim tətʋlɛ nɑ pə təlɩɩlɛ nyə́mɑ.

¹⁰N pɑɑsənɑ tɛtʋ nɑ ń yele nɑ tɛʋ nɩɩ-təɣɩ sɔsɔm, nɑ ń kɑɑ-təɣɩ kʋpɑntʋ nɑ lʋm su Ɩsɔ lɔɔŋ. Nɑ ń yele nɑ tɛtʋ wɛɛ mʋsʋŋ kɛ teu nɑ tɔɣɔnɑɣɑ nɑ́ɑ́ lɑkɩ.

¹¹N yɔɣɔləɣɩ lʋm kɛ ɑwɑsɑ nɑ ń yɔkəɣɩ tɑmpɑɣɑ, n yeki nɑ tɛʋ nɩɩ nɑ pə́ hʋʋ, nɑ ń kooli kʋpɑntʋ kɛ pə məhoo.