Samu 65:6-11

⁶Embena porai dokome yuu kyau dupwa waso pisiinyi dokome embena kamame porai renge dokolasaka pilyamo.

⁷Ipwa kota doko kasakole minyuo gono gono lao mango epenge dokopa embame singinyili pyuo sinya lenge dokopa mee pyai nao rali pingi. Doko suu pyao wambu kilyipu kilyipu karenge dokopa embame nyuo kui lenge.

⁸Wambu yuu muu dupwana peparaeme embena yulu andake pingi dupwa kandapala yamarangyuo mona pyakalyuo pilyamo karenge.

⁹Embame yuu dupwa mondo lao rapu pilyuŋu lao lasaka pyuo apu peelene. Dopa pipinyi dokona yuu amenge kapape dokona nenge andenge. Embame ipwa pona dupwa ipwa epo rangu pena lao pingi. Embame yuu dupwana nenge andena lao peenge. Embame pingi doko dapa pyuo pingi.

¹⁰Embame yuu ape ape pyasi dupwana apunda malu peelenepa yuu doko rombe lao singi. Embame apunda kuki raa raa pyao peenge dokome yuu dupwa pyuku lapala ee waingi dupwa andena lao pyuo karenge.

¹¹Embame wambu dupwa elyape keta pisapinyi dokome ee nengepe malu manjo nyilyaminyi. Emba anja panda anja mendasa pupinyi dupwana nenge malu silyamo.