Salmo 65:6-11

⁶Palalo tet-ewa san panakabalin mo, tan insaad mo din kadontodontog babaen sin bikas mo.

⁷Maipaginek mo abe din agodood di dalloyon ya mapatalnam din golo sin nanasyon.

⁸Din ipogaw sin solin di daga et masdaaw ya emegyat da sin nakaskasdaaw ay sinyal ay en ka ipaila. Gapo sin amagem et manragsak da ay mankanta, manipod sin belaan di agew enggana sin diposana.

⁹Ay-ayowanam nan daga, sibsibogam ya pasigedem din lota na. Mapno din ginawang si danom ay mapon sik-a, insaganam din daga et pagabayem di maimola.

¹⁰Paodanam din naalado ay payew ta masingpa, sibogam din lota ta lomokay da, et bindisyonam ta somiged di maimola.

¹¹Ad-ado di apit gapo sin bindisyon mo. Amin ay emeyam, ad-adoy bindisyon ay idawat mo.