Yontu 52:1-9

¹Tɑfiiti yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

²Tə tɑɑ kɛ́ pɑ kɛɛsəɣɩ ɩsənɑ Ɩtɔm tʋ Towɛkɩ tɑɣɑsɑ Sɑyuli sɩ Tɑfiiti polɑ Apimelɛkɩ tɛ. Yontu ntəɣəlɛ sɩ:

³Toŋ tʋ nyɑ́, n yɔɔləɣənɑ nyɑ́ ɩsɑɣɑtʋ kɛ mpʋ suwe? N tɑ nyɩ tɑɑ sɩ Ɩsɔ kʋpɑntʋ wɛ tɑm tɔɔ?

⁴Nyɑ́ nsəmlɛ nɑ lɔŋ ɩsɩɩ hʋnʋɣʋ, nɑ ń tʋsəɣənɑ lɛlɑɑ.

⁵N sɔɔlɑ ɩsɑɣɑtʋ nɑ pə́ kəlɩ kʋpɑntʋ, nɑ ń cɑɑkɩ pɔpɔtʋ nɑ pə́ kəlɩ tɑmpɑnɑ.

⁶Nɑ nyɑ́ lɑŋlɛ hɛɛnɑ tɔm tənɑ nti tə wɑkələɣɩ tɔɣɔ. Tə tənɑ tə kɛ́ kʋkɛkɛɛtʋ kɛ́.

⁷Pə tɔɔ kɛ́ Ɩsɔ kɑ́ wɑkəlɩ-ŋ tɑm tɔɔ. Ɩ kɑ́ ləsɩ-ŋ nyɑ́ tɛ nɑ ɩ́ tɛɛnɑ, nɑ ɩ́ kpɛsɩ-ŋ weesuɣu nyə́mɑ tɛ nɑ ɩ́ tɔɣɔnɩ-ŋ.

⁸Siɣisilɑɑ kɑ́ nɑ-ɩ nɑ sɔɣɔntʋ kpɑ-wɛ. Pɑɑ woŋɩ-ɩ nɑ pɑ́ tɔŋ sɩ:

⁹Ye yʋlʋ kisɑ Ɩsɔ kɛ kpʋlʋɣʋ tʋɣʋ nɑ ɩ́ hɑ ɩ təɣɩ liɣitee nnɑ ɩ wɑkəlɑ lɛlɑɑ nɑ ɩ hiki tɔ, ɩsənɑ ɩ tɛŋnɑ tɔɣɔlɛ.