Text copied!
CopyCompare
Baibal Olcim - Tingtoeng - Tingtoeng 52

Tingtoeng 52:1-9

Help us?
Click on verse(s) to share them!
1Edom Doeg loh cet tih Saul la, “David te Ahimelek im la cet coeng,” a ti nah tih a puen vaengkah, aka mawt ham David kah hlohlai. Hlangrhalh nang loh boethae neh bahamlae na thangthen uh. Pathen kah sitlohnah he hnin takuem ah cak.
2Na lai loh a talnah a moeh. Palyal neh paihat bangla haat tih a hlueng.
3Hnothen lakah boethae na lungnah. Duengnah lakah a honghi te na thui. Selah
4Hlangthai palat kah a lai loh dolhnah ol boeih te a lungnah.
5Te cakhaw Pathen loh nang te a yoeyah la m'voeih vetih, nang te m'poep ni. Te vaengah dap khui lamkah nang te m'phuk vetih, mulhing rhoek kah khohmuen lamloh nang m'phuk ni.
6Tedae aka dueng rhoek loh a hmuh uh vaengah a rhih uh vetih anih te,
7“Hlang khaw ke, Pathen vik amah kah lunghim la khueh pawt tih a khuehtawn cangpai dongah pangtung tih a talnah neh tanglue,” tila a nueih thil uh.
8Tedae kai tah Pathen im kah olive thinghing bangla kumhal ah Pathen kah sitlohnah te ka pangtung yoeyah.
9Namah loh na saii coeng dongah kumhal ah nang kan uem vetih na then dongah na ming te na hlangcim rhoek hmuh ah ka lamtawn ni.

Read Tingtoeng 52Tingtoeng 52
Compare Tingtoeng 52:1-9Tingtoeng 52:1-9