Yontu 41:1-11

¹Tɑfiiti yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

²Leleŋ nɩɩlʋ ntɛ́ wei ɩ pɑɑsəɣənɑ ɑcɑmɑɑ tɔ. Mpi tɔ, Tɑcɑɑ ləsəɣɩ-ɩ wɑhɑlɑ tɑɑ kɛ́ kʋyɑkʋ ɩsɑɣɑʋ wule kɛ́.

³Ɩsɔ kentiɣi pʋntʋ weesuɣu tɔɔ kɛ́, nɑ ɩ́ cɑɣɑnɑ lɑŋhʋlʋmlɛ kɛ tɛtʋ tɔɔ. Ɩsɔ ɩɩ yeki nɑ yʋlʋ ɩnɩ ɩ́ hoti ɩ kolontunɑɑ səkpɑŋ tɑɑ.

⁴Tɑcɑɑ pɑɑsəɣənɑ-ɩ ɩ wʋsɑsɩ wɑɑtʋ kɛ́, nɑ ɩ fɛkɩ-ɩ.

⁵Mɑ kʋyɔɣɔtʋtʋ ntɛ́ sɩ: Mɑ pəntənɑ Tɑcɑɑ, ɩlɛ nyənɩ mɑ pətɔɔtəlɛ nɑ ń wɑɑsɩ-m.

⁶Mɑ kolontunɑɑ pɔɔsəɣənɑ nɑ mʋsʋŋ sɩ: Pəlee kɛ́ n kɑ́ sɩ nɑ pɑ́ sɔɔ nyɑ́ tɔɔ?

⁷Ye pɑ tɑɑ nɔɣɔlʋ kɔmɑ mɑ wiiluɣu pɔpɔtʋ tɔm kɛ́ ɩ yɔɣɔtəɣɩ sɩ ɩ hiki timpi ɩ kɑ cɑɣɑnɑ-m tɔ.

⁸Mpɑ pɑɑ cɑɑ-m tɔ pɑ kotiɣi kɛ́ nɑ pɑ́ wɛlətəɣɩ mɑ ɩsɑɣɑtʋ tɔm sɩ:

⁹Kʋtɔŋ ɩsɑɣɑʋ hɩɩsənɑ-ɩ, ɩ kɑɑ kʋlɩ.

¹⁰Hɑlɩ mɑ tɑɑpɑlʋ kʋpɑŋ wei mɑ́ nɑ-ɩ tə nɩɩkɑɣɑ təmɑ tɔm nɑ tə́ tɔkɩ mɑ mʋtʋ tɔ ɩ kʋlɑ mɑ tɔɔ.

¹¹Hɑɩ, Tɑcɑɑ nyənɩ mɑ pətɔɔtəlɛ, nɑ ń kʋsɩ-m nɑ mɑ́ lɛɛtɩ-wɛ.