Yontu 148:5-14

⁵Pɑ tənɑɣɑ mpʋ pɑ́ sɑ Tɑcɑɑ hətɛ. Mpi tɔ, Ɩsɔ yɔɣɔtənɑ nɑ pə́ ŋmɑ-mɛ.

⁶Ɩnɩ ɩ sɩɩnɑ-mɛɣɛ mə lonɑ kɛ tɑm tɔɔ, ɩ sɩɩ-mɛɣɛ kiiŋ, pə fɛɩ sɩ ɩ́ yɔkɩ-ɩ.

⁷Tɛtʋ tɔɔ nyə́mɑ mɛ ɩ́ sɑ Tɑcɑɑ, teŋkunɑɑ nɑ pɑ tɑɑ tʋmɑɑ sɔsɑɑ ɩ́ sɑmɩ-ɩ.

⁸Nɑ kɔkɔ nɑ tɛʋ tɔmpɛɛ nɑ kʋ kpɑɑkpɑɑcɑʋ, nɑ ɩhunte nɑ tɛʋ heelim sɔsɔɔm mɛ mpɑ ɩ́ lɑkɩ ɩsɩɩ ɩ yɔɣɔtʋɣʋ tɔ. Ɩ́ sɑ Tɑcɑɑ.

⁹Pɔɔŋ nɑ pulɑsɩ mɛ mə tənɑ, nɑ tɩɩŋ kʋlʋlʋŋ nɑ sɔsɔɔŋ tənɑ ɩ́ sɑmɩ-ɩ.

¹⁰Tɑɑlɛ wontu nɑ təyɑɣɑ nyəntʋ, nɑ ɑtɛ kututuutu nɑ sumɑsɩ. Ɩ́ sɑ Tɑcɑɑ.

¹¹Atɛ ɑwulɑɑ nɑ yəlɑɑ tənɑ, nɑ ɑwulumpiyɑ nɑ ɑtɛ hʋʋlɑɑ tənɑ. Ɩ́ sɑ Tɑcɑɑ.

¹²Akpɑtəlɑɑ nɑ piyɑ ɩfepiyɑ nɑ pɛɛlɑɑ ɩ sɑmɩ-ɩ.

¹³Ɩ́ sɑ Tɑcɑɑ hətɛ. Mpi tɔ, tə tike ntɛ́ sɔsɔɔlɛ. Ɩsɔ sɔsɔɔntʋ wɑɑsɑ ɩsɔtɔnʋɣʋ nɑ tɛtʋ kɛ́.

¹⁴Tɑcɑɑ hɑ ɩ yəlɑɑ kɛ toŋ kɛ́. Pə tɔɔ kɛ́ ɩ yəlɑɑ kʋpɑmɑ sɑŋɩ-ɩ. Ɩsɛɣɛlɩ yəlɑɑ mpɑ mɛ ɩ kpətənɑ-ɩ tɔ ɩ́ sɑŋɩ-ɩ. Ɩ́ sɑ Tɑcɑɑ.