Tingtoeng 148:5-14

⁵Amah loh a uen tih a suen dongah BOEIPA ming te thangthen saeh.

⁶Te rhoek kumhal duela a cak sak yoeyah dongah oltlueh he a paek phoeiah tah kum mahpawh.

⁷Diklai lamkah tuihnam rhoek neh tuidung boeih loh BOEIPA te thangthen lah.

⁸Hmai neh rhael, vuelsong neh tuikhu, hlipuei khohli loh a ol a vai.

⁹Tlang neh som boeih, thing thaih neh lamphai thing boeih,

¹⁰mulhing neh rhamsa boeih, rhulcai neh phae aka khueh vaa boeih,

¹¹diklai manghai rhoek neh namtu rhoek boeih, mangpa rhoek neh diklai laitloek boeih,

¹²tongpang rhoek neh oila rhoek khaw, patong rhoek neh camoe rhoek loh BOEIPA ming te thangthen saeh.

¹³Diklai hman neh vaan kah a mueithennah ham amah long ni a ming a pomdoep.

¹⁴Te dongah a pilnam kah ki, a hlangcim boeih neh a hui pilnam Israel ca rhoek kah koehnah te a pomsang coeng. BOEIPA te thangthen uh.