Yontu 132:2-11

²Tɑfiiti ɩnɩ ɩ yɔɣɔtənɑ nɑ ɩ́ tuunɑ Tɑcɑɑ, nɑ ɩ́ sɩɩ Yɑkɔpʋ Ɩsɔ toŋ tʋ ɩnəɣɩ nɔɣɔ sɩ:

³Mɑ kɑɑ sʋʋ mɑ tɛ nɑ mɑ́ həntɩ mɑ kʋhəntʋɣʋ tɔɔ.

⁴Mɑ kɑɑ yele nɑ tom kɑɑ-m, yɑɑ mɑ ɩsəhutu yoosinɑ təmɑ.

⁵Hɑlənɑ mɑ́ hiki Tɑcɑɑ kɛ lonte nɑ Yɑkɔpʋ Ɩsɔ toŋ tʋ ɩnəɣɩ təcɑɣɑlɛ.

⁶Tə nɩɩwɑ pɑ yɔɣɔtɑ Ɩsɔ ɑtɑkɑɑ tɔm kɛ Ɩfəlɑtɑ tɛtʋ tɑɑ. Tə mɑɣɑnɑ-ɩ Yɑɑɑ tɛtʋ hɔɣɔlʋɣʋ tɑɑ.

⁷Tə́ polo Tɑcɑɑ təcɑɣɑlɛ. Tə́ luŋ ɩ nɔɔhɛɛ təsɩɩlɛ.

⁸Tɑcɑɑ kʋlɩ nɑ ń kɔɔ nyɑ́ təhɛɛsəlɛ. Nyɑnɑ nyɑ́ teeli ɑtɑkɑɑ.

⁹Nyɑ́ kɔtəlɑɑ ɩ́ suu nyʋɣʋ yɑpʋ ɩsɩɩ wontu nɑ nyɑ́ tɑmpɑnɑ təŋlɑɑ wilitinɑ lɑŋhʋlʋmlɛ.

¹⁰Nyɑ́ təmlɛ tʋ Tɑfiiti tɔɔ, tɑɑ lɔ wei n ləsɑɑ tɔ.

¹¹Tɑcɑɑ tɛmɑ Tɑfiiti kɛ heeluɣu nɑ tuunɑʋ. Ɩ kɑɑ məlɩ wɑɑlɩ. Ɩ tɔmɑ sɩ: Nyɑ́ tɑpʋɣʋ tɛɛ pəyɑɣɑ kɛ mɑɑ sɩɩ nyɑ́ kɑwulɑɣɑ kumte tɔɔ.