Psalms 132:2-11

²Nu den bo Yawe ilak kaolam, Jacob ko Kaem Sokel Garagar mu ilak ikia bo iwita kaolam:

³“Ani,” mam, “aga kawam ningi me ta kasu nagurek, agi aga anira kuwim te me ta taga anirek,

⁴ale amotam kuagi ningi anira me ta tairuk, se amotam kui me ta ira kulukekkowo,

⁵yam kaeyawirik ale Yawe ko bagara kuwim bo arigek bare asele kowo, ani Jacob ko Kaem Sokel Garagar wore ko kuwim bo ningi bagarukko wore kalikko.”

⁶Ana Ephrathah baga se Kaem ko Kunup Laili mu ko den ikiman, ale nama Jearim wonong te arigiman.

⁷“Ana noko bagara kuwim te namanak ale noko suwik duap ningi nabugura kulukurnak ale ko nup patawunak, ale balnak,

⁸‘O Yawe, bares ale nika kuwim te tairko, ni se ka Kunup Laili nika sokel aora karogo mu agotala.

⁹Se nika priest alo mu munan ningo dirkiriyam mu guang tuguma iwita te bala betemon, se nika kariimet mu amilmil wur ilumonko.’ ”

¹⁰Nika ura kari David ko kamin ares mauk se nika kari marak sokel tuem mu me ari daleluwurko.

¹¹Yawe David ilak den bo kaolam, se den mu aora biya aniso se nu me maguwurokko. Se den mu iwita: “Ani nika gue te bo bitirik se nika kiwim te king ko bagarukko.