Maliku 5:9-30

⁹Tsono Jezu adamubvundza munthuyo “Dzina lako ndiwe yani?” Iye adatawira kuti, “Dzina langu ndine ‘Mthithi, ’ tiripo azinji.”

¹⁰Ndipo adamukumbira Jezu kuti aleke kuicosa kunja kwa mbali ire.

¹¹pafupi na pamwepo pakhana kamtunthu komwe kakhana mthithi wa nkhumba, zikhadya

¹²Tsono mizimu yakuipa ire idakumbira Jezu iciti, “ Titumireni tipite mu nkhumba zire.”

¹³Jezu adaibvumiza. Iyo idacoka icipita mwa nkhumbazo. Pamwepo mthithi ule wa nkhumba zomwe zikhakwana bzulu bziwiri zentsenezo zidaguduka zicipolika na kuthamanga zicikabzithusa mthawale, mpaka kufa mwemo.

¹⁴Amakabusa wazene adathawa, acikauza wanthu mu mzinda na mii. Pamwepo wanthu wale adacoka kuti akaone bzomwe bzidacitika.

¹⁵Atafika komwe kukhana Jezu, adaona munthu akhana mizimu yakuipa ule akhadakhala pantsi, akhadabvala, nsala ule ukhadamala, Wanthuwo akhabva mantha.

¹⁶omwe adaona bzentse wale, adawafotokozera bzomwe bzidacitika kwa munthu ule na kwa nkhumba zire.

¹⁷Pamwepo wanthuwo adamuuza mwakumkakamiza Jezu kuti achoke ku mbali yawo ire.

¹⁸Pomwe Jezu akhapita mmwadiya, munthu omwe akhana mizimu yakuipa ule adakumbira kuti aende nawo.

¹⁹Tsono Jezu adalamba acimuuza kuti, “ iwe ndoko kumui kwanu ukalewe bzomwe Mbuya akucitira na ntsisi zace.”

²⁰Munthuyo adaenda cadidi aciyamba kumwaza mafala ku mbuto zentse za mizinda khumi,* bzire bzomwe Jezu adam'citira. Pakubva bzimwebzo wanthu wentse adadabwa.

²¹pomwe Jezu adabwerera nga'mbuire na mwadiya, atafika mthithi wa wanthu udagumana mphepete mwa thawale pomwe pakhana iye.

²²padadzafika munthu winango, dzina lace Jaire, omwe akhali m'bodzi wa akulu wa nyumba yamapemphero,ndipo iye adaona Jezu, adagodama mminyendo mwace,

²³acimudandaulira kwene-kwene: Aciti, “Ndaphata minyendo, mwana wangu wam'kazi ali pafupi kufa. Penu mungakwanise kukam'sanzika manja kuti alimbe acikhala na moyo.”

²⁴Jezu adayenda naye, Wanthu azinji adam'tewera akhambayenda mwa kum'psinyiza.

²⁵Tsono pakhana m'kazi winango omwe akhambabonera na matenda yakucoka mulopa kwa magole khumi na mawiri.

²⁶Iye akhadayezerewa na alapi azinji,na tenepo akhadadzonga bzentse bzomwe akhanabzo tsono akhalimba lini ndipo dzikhalemwa

²⁷M'kaziyo pakubva mbiri ya Jezu; adayenda pamthithi wa wanthu ule, acipapatiza mpaka kukafika na kumbuyo kwa Jezu, acikamkhuya cakubvala cace.

²⁸thagwe akhambakumbuka tenepa:“Ningandokukhuya bzakubvala bzace bzokha, nilimba.”

²⁹Ncadidi nthawe yomweyo matenda yace yadamala, mwenekaciroyo adabva mthupi mwace kuti walimba.

³⁰Pamwepo Jezu adabva kuti mphambvu zinango zacoka. Ndipo adazungunuka aciyang'ana wanthu wale aciwabvundza kuti, “Kodi mbani wandikhuya bzakubvala bzangu?”