Luka 19:8-32

⁸A o Zakej ačhilo thaj phendas e Gospodešće: “Gospode ake, opaš mungro barvalipe dava e čorenđe! Thaj ako varekas hohadem, boldav štar drom majbut.”

⁹Pe godova o Isus phendas lešće: “Ađes ande akava ćher avilo o spasipe kaj si vi akava manuš e Avraamesko čhavo!

¹⁰Me o Čhavo e Manušesko avilem te rodel thaj spasiv so si hasardo!”

¹¹O but o them sa godova ašunenas, a o Isus phendas lenđe još jek usporedba zato kaj sas o Isus paše pašo Jerusalim thaj gndinas kaj odma pojavilape o carstvo e Devlesko.

¹²Thaj phendas: “Sas varesavo ugledno manuš savo trubujas te otputuil ande dur phuv te okote okrunin les sago caros, a askal te boldelpes.

¹³Zato akhardas pire deš slugonen, dijalen svakones po opaš kila rup, thaj phendas lenđe: 'Trguisaren lesa dok či boldaman.'

¹⁴A lešće zemljakurja mrzanas les thaj bičhaldine pale leste e poslanikonen te phenen e majbare carošće: 'Či kamas te akava caruisarel pe amende.'

¹⁵Kana vo primisarda piro carstvo thaj boldaspe palpale, naredisardas te anen lešće okolen slugen savenđe dijas o rup te ašunel kozom zaradisardine.

¹⁶O prvo sluga avilo thaj phendas: “Gospodarina, o iznos savo dijanman ćerdem te avel deš drom majbut.”

¹⁷Phendas lešć: “Lačho! San slugo lačheja! Zato kaj sanas verno ande cikno, dava tut te vladis pe deš gava!”

¹⁸Aver sluga avilo thaj phendas: “Gospodarina o iznos savo dijan man ćerdem te avel pandž drom majbut.”

¹⁹Vi godolešće phendas: “Lačhe vi tu vladisar pe pandž gava!”

²⁰A o trito avilo thaj phendas: “Gospodarina, ale tuće ćiro rup savo dijan man. Arakhavas les garado ando dikhloro.

²¹Daravas tutar kaj san strogo manuš. Les so či uložisardan, thaj žanjis so či sadisardan.”

²²Phendas lešće: “Ćire alavenca sudivatuće, bilačheja slugo! Džanglan kaj sem strogo manuš, kaj lav su či uložisardem thaj kaj ćidav kaj či sadisardem?

²³Sostar askal či dijan mungre love ande menjačnica kajda kana boldemasman vazdemas les kamatasa!”

²⁴Pe godova phendas kolenđe kaj sas kote ćidine:” Len lestar o rup thaj denla okolešće kaj siles deš drom majbut.”

²⁵Phendine lešće: “Gospodarina, pa les već si pandž kile rup!”

²⁶Phenav tumenđe: 'Svakonešće kas si još delape, a kolstar kaj naj lelape vi kova cara so siles.

²⁷A mungre dušmajen kola save čikamlineman te me avav caro pe lende, anen akaringal, thaj mudarenlen angle mungre jakha!”

²⁸O Isus phenda godova, thaj nastavisardas piro drom angle lende ando Jerusalim.

²⁹Kana avilo paše džike gava Vitfaga thaj e Vitanija ke gora savi akhardolas Maslinsko, bičhaldas pire duj učenikonen

³⁰thaj phendas lenđe: “Džan ando gav savo si angle tumende. Čim den ande leste, araćhena phangle magare save još khonik či jašisardas. Putrenles thaj anenle.

³¹Ako vareko phučlatumen: “Sostar putrenles? Gajda phenen: “E Gospodešće trubul.”

³²E bičhalde đele thaj arakhline sar phendas lenđe.