لُكِ 19:8-32

⁸كْنْ سَكّيّ نَشَ تِ، عَ عَ قَلَ عِسَ بّ، «مَرِفِ، ﭑ بَرَ نَتّ تٌنفٌ، ﭑ شَ ﭑ سْتْسٍ تَفِ قِمَ نّ قُشَرِلَيٍ مَ. شَ عَ سَ لِ ﭑ بَرَ سٍ بَ نَشَن يِ قُنمَيَ رَ، ﭑ عَ رَفبِلٍنمَ نّ عَ كَنيِ مَ دْشْ نَانِ.»

⁹عِسَ قَن نَشَ عَ مَسٍن عَ شَ قٍ رَ، «يِ قْشْي بَرَ كِسِ سْتْ تٌ، بَرِ مَ عِبُرَهِمَ شَ دِ نَن نَ يِ شّمّ قَن نَ.

¹⁰عَدَ مَ شَ دِ بَرَ قَ عَ شَ مِشِ لْيشِيٍ قٍن، عَ شَ عٍ رَكِسِ.»

¹¹عِسَ تٌ نُ بَرَ مَكْرّ دَرِ سَلَمُ رَ، حَمَ حْشْ نُ عَ مَ، عَ عَلَ شَ مَنفّيَ نِينِ قَقٍ مَكّنّندٍ نّ كٍرٍن نَ. نَ كُي، مِشِيٍ تٌ نُ عِسَ شُي رَ مّقٍ، عَ نَشَ يِ تَالِ وْيّنيِ مَسٍن عٍ بّ.

¹²«كُنتِفِ ندٍ نَشَ سَ بِيَاسِ يِرٍ مَكُيٍ، عَلَكٌ مَنفّ شُنفبٍ نَشَن نُ سَبَتِشِ نَا، عَ شَ عَ تَن كُنتِفِ شْنيِ مَنفّيَ سٌ عَ يِ، عَ مَن شَ فبِلٍن عَ شْنيِ.

¹³بٍينُن عَ شَ سِفَ، عَ نَشَ عَ شَ كٌنيِ مِشِ قُ شِلِ، عَ فبٍتِ كْبِرِ كٌلٍ كّمّ سٌ عٍ بِرِن يِ رَ، عَ قَ عَ قَلَ عٍ بّ، ‹وٌ يُلّيَ رَبَ يِ كْبِرِ رَ بٍينُن ﭑ قَ تّمُي.›»

¹⁴«كْنْ عَ تٌ مُ نُ رَقَنشِ عَ شْنيِ مِشِ ندٍيٍ مَ، عٍ قَن نَشَ شّيرَيٍ شّي مَنفّ شُنفبٍ مَ، عٍ شَ عَ قَلَ، ‹مُشُ مُ وَ مَ عَ شْن يِ شّمّ شَ قِندِ مَنفّ رَ مُشُ شُن مَ.›»

¹⁵«نَ شّمّ تٌ مَنفّيَ سْتْ، عَ نَشَ فبِلٍن عَ شْنيِ. عَ نَشَ يَامَرِ قِ نَ كٌنيِيٍ شَ شِلِ، عَ نُ بَرَ كْبِرِ سٌ نَشٍيٍ يِ، عَلَكٌ عَ شَ عَ كٌلٌن عٍ فٍينِ نَشَن سْتْشِ يُلّيَ كُي.

¹⁶كٌنيِ سِنفٍ نَشَ قَ، عَ دّنتّفّ سَ، عَ نَشّ، ‹ﭑ مَرِفِ، عِ عِ شَ فبٍتِ كْبِرِ كٌلٍ كّمّ نَشَن سٌ نّ ﭑ يِ، عَ حْشْي دْشْ قُ بَرَ سَ عَ شُن فٍينِ رَ.›

¹⁷مَنفّ نَشَ عَ قَلَ عَ بّ، ‹عِ نُوَلِ! كٌنيِ قَنيِ نَن عِ رَ! عِ تٌ مُ لَنلَنتٍيَ كَنَ قٍ شُرِ كُي، ﭑ بَرَ مَنفّيَ سٌ عِ يِ تَا قُ شُن مَ.›»

¹⁸«كٌنيِ قِرِن ندٍ نَشَ قَ، عَ دّنتّفّ سَ، عَ نَشّ، ‹ﭑ مَرِفِ، عِ عِ شَ فبٍتِ كْبِرِ كٌلٍ كّمّ نَشَن سٌ نّ ﭑ يِ، عَ حْشْي دْشْ سُولِ بَرَ سَ عَ شُن فٍينِ رَ.›

¹⁹مَنفّ نَشَ عَ قَلَ نَ قَن بّ، ‹ﭑ بَرَ مَنفّيَ سٌ عِ قَن يِ تَا سُولِ شُن مَ!›»

²⁰«كٌنيِ فبّتّ قَن نَشَ قَ، عَ دّنتّفّ سَ، عَ نَشّ، ‹ﭑ مَرِفِ، عَ مَتٌ، عِ شَ فبٍتِ كْبِرِ كٌلٍ كّمّ نَن يَ. ﭑ سَ عَ رَفَتَ دُنكٌبِ نَن كُي،

²¹بَرِ مَ ﭑ فَاشُ نّ عِ يَ رَ. شّمّ نَن عِ رَ، عِ شَ قٍ مَشْرْشْ. عِ سٍ تٌنفٌمَ عِ فبٍ مُ نَشَن نَ. عِ شّ شَبَمَ عِ مُ نَشَن فَرَنسَن.›

²²مَنفّ نَشَ عَ يَابِ، ‹عِ تَن كٌنيِ كٌبِ، ﭑ عِ مَكِيتِمَ عِ يّتّ كَن شُي نَن يَتِ مَ! عَ دِ، عِ مُ عَ قَلَ عَ عِ نُ عَ كٌلٌن عَ ﭑ مَ قٍ مَشْرْشْ؟ عِ نَشّ، عَ ﭑ سٍ تٌنفٌمَ ﭑ فبٍ مُ نَشَن نَ، ﭑ شّ شَبَمَ ﭑ مُ نَشَن فَرَنسَن.

²³مُنقٍ عَ تٌ عِ مُ ﭑ مَ كْبِرِ سٌ كْبِرِ رَوَلِيٍ يِ رَ، عَلَكٌ ﭑ نَ قَ، عِ عَ رَفبِلٍن ﭑ مَ فٍينِ سَشِ عَ شُن؟›

²⁴عَ نَشَ عَ قَلَ مِشِيٍ بّ نَشٍيٍ نُ تِشِ نَ، ‹وٌ نَ فبٍتِ كْبِرِ كٌلٍ كّمّ رَ سُشُ عَ يِ، وٌ عَ سٌ بٌورٍ يِ نَشَن فبٍتِ كْبِرِ كٌلٍ وُلُ كٍرٍن سْتْشِ.›

²⁵عٍ نَشَ عَ قَلَ مَنفّ بّ، ‹مَرِفِ، فبٍتِ كْبِرِ كٌلٍ وُلُ كٍرٍن حَن نَ عَ يِ!›

²⁶عَ نَشَ عٍ يَابِ، ‹ﭑ شَ عَ قَلَ وٌ بّ، عَ نَ نَشَن يٌ يِ رَ، عَ فبٍ شُن مَسَمَ نّ. كْنْ عَ مُ نَ نَشَن يِ رَ، هَلِ نَشَن دِ نَ عَ يِ، نَ يَتِ بَمَ نّ عَ يِ رَ.

²⁷كْنْ ﭑ يَشُييٍ تَن، نَشٍيٍ مُ نُ وَ مَ ﭑ شَ قِندِ مَنفّ رَ عٍ شُن مَ، وٌ قَ عٍ رَ بٍ، وٌ عٍ قَشَ ﭑ يَ شْرِ.›»

²⁸عِسَ تٌ فّ نَ مَسٍنيِ رَ، عَ نَشَ سِفَ يَرٍ، سِفَقٍ رَ دَرِ سَلَمُ.

²⁹عَ تٌ مَكْرّ بٍتِقَفٍ نُن بٍتَنِ تَايٍ رَ، عٌلِوِ فٍيَ قّ مَ، عَ نَشَ عَ قْشِرَبِرّيٍ مِشِ قِرِن شّي،

³⁰عَ عَ قَلَ عٍ بّ، «وٌ شَ سٌ تَا كُي نَشَن نَ يَرٍ. وٌ نّقّ سٌ نَا، وٌ سٌقَلٍ لَنمَ لِمَ عَ شِرِشِ نَا، مِشِ مُ نُ دْشْ نَشَن قَرِ. وٌ شَ عَ قُلُن، وٌ قَ عَ رَ بٍ.

³¹شَ مِشِ ندٍ قَ وٌ مَشْرِن، ‹وٌ عَ قُلُنقٍ مُنقٍ رَ› وٌ شَ عَ يَابِ، ‹مَرِفِ نَن هَيِ نَ عَ مَ.›»

³²عٍ تٌ سِفَ شّيرَيَ رَبَدٍ، عٍ نَشَ قٍ بِرِن لِ عَلْ عِسَ عَ قَلَ عٍ بّ كِ نَشّ.