Leemiso Maxaafaa 4:15-27

¹⁵appe haakka; an hemettoppa; appe guyye simma; yaatada ne ogiyan ba.

¹⁶Aissi giikko, eti iitabaa oottana gakkanaashin, xiskkanau danddayokkona; eti asa xubbennan eta xiskkoi efeenna.

¹⁷Eti nagaraa oittadan moosona; sugettaa oosuwaakka ushshadan uyoosona.

¹⁸Xillotu ogee gallassai seetana gakkanaashin, gujji gujji poo7iya maallado xalqqiyaa mala.

¹⁹SHin nagaranchchatu ogee sakkana xumaa mala; eti aibin xubettiyaakkokka erokkona.

²⁰Ta na7au, taani yootiyoogaa siya; taani odiyoogaakka loittada ezgga.

²¹Taani odidobati ne baazzaappe deshoppona; eta ne wozanan wotta.

²²Aissi giikko, etabai geliyo asau ubbau eti de7uwaa immoosona; eta bollaukka payyatettaa immoosona.

²³Ubbabaappekka ne wozanaa minttada naaga; aissi giikko, de7oi appe pulttees.

²⁴Ne doonaappe gene haasayaa digga; wordduwaa haasayiyaageetu achchappekka kichcha.

²⁵Sitti gaada sinttau xeella; ne aifee ne sinttan de7iyaabaa tishshi oottidi xeello.

²⁶Ne gediyaassi ogiyaa salallissa; suure oge xalaalan hemetta.

²⁷Suure ogiyaappe ushachchi haddirssi baqqoppa; ne tohoi iitasaa beennaadan naaga.