Leemiso Maxaafaa 22:9-19

⁹Keha asi ba qumaappe hiyyeesau coo immiyo gishshau anjjettana.

¹⁰Qilliicciya asa diggarggikko, palamai, ooshshainne cashshai kichchana.

¹¹Neeni wozanaa geeshshatettaanne keha haasayaa dosikko, kawoi nenaara dabbotees.

¹²GODAI tumaa naagees; shin worddanchchatu qaalaa i aatti yeggees.

¹³Azalla asi, “Taani kare kiyikko, gaammoi tana maana; tana ogiyan asi worana” yaagees.

¹⁴SHaaramuxa maccaasee doonai ciimma ollaa mala; GODAI hanqqettido uri a giddon kunddees.

¹⁵Na7a wozanaa azallatettai baqqi oiqqees; shin qaixaariyan qaxxayiyoogee appe haassees.

¹⁶Baayyo aquwaa gujjana giidi, hiyyeesaa naaqqiyaageenne duriyaassi imuwaa immiyaagee naa77aikka hiyyeesana.

¹⁷Ne haittaa haa yeggada, aadhdhida eranchchai odiyoobaa siya; ne wozanaakka ta eraakko zaara.

¹⁸Aissi giikko, eta ne wozanan wottikkonne ne doonankka eta ubbaa hassayikko, neeni ufaittana.

¹⁹Ne ammanoi GODAN gidana mala, taani nena - ee nena - hachchi tamaarissaas.