Leemiso Maxaafaa 12:1-12

¹Seeriyoogaa dosiya uri eratettaa dosees; shin seeraa ixxiya uri damma.

²Lo77o asi GODAAPPE sabaa demmees; shin GODAI genanchchata pirddees.

³Asa iitatettai minttidi essenna; shin xillotu xaphoi qaaxxenna.

⁴Wozannaama maccaasiyaa ba keettaawau kallachcha mala; shin ba keettaawaa kaushshiya maccaasiyaa a meqettaa miya ajaajje mala.

⁵Xillotu qofai suure; shin iitatu zoree cimo.

⁶Iitatu haasayai asa woranaassa; shin xillotu haasayai eta ashshees.

⁷Iita asati kunddana; etau zerettikka attenna; shin xillotu zerettai minnidi de7ana.

⁸Asi ba aadhdhida eratettaa keenaa galatettees; shin geella qofai de7iyo asi karettees.

⁹Dure asa milatidi, metuwan de7iya asaappe coo asa milatidi, oottiiddi ba de7uwaa sugiya asi keha.

¹⁰Xillo asi ba mehiyaassi qarettees; shin iita asa kehatettau meqetti baawa.

¹¹Ba biittaa mintti oottiya urai kattaa kallees; shin pattennabaa yedettiya uri akeekai paccidoogaa.

¹²Iitati nagaranchcha asatu omooduwaa ekkanau amottoosona; shin xillotu xaphoi daayidi de7ana.