Joni 11:5-16

⁵Jisasi'a Matane nenunknane, Lasarusine avesizamante'ne.

⁶Lasarusi kri eri'ne nanekema hzageno nentahino'a, tare zge'gna anama mani'nea kumate mani'ne.

⁷Ana huteno amage'nentaza disaipol nagaku huno, Judia kaziga ete vanu'ne huno zamasmi'ne.

⁸Amage' nentaza disaipol nagamo'za anage hu'za asmi'naze, Hurami ne'moke (Rabbi), Jiu kva vahe'mo'za mensitfama have knonu kahenaku nehzarega, Kagra ete vu'za nehano?

⁹Jisasi'a kenona zamire anage hu'ne, 12fu'a kna (aua) mago zgefina omne'nefi? Mago vahe'mo'ma zge ferupima vanuno'a agra traka osugahie, na'ankure ama mopafi msa agra nege.

¹⁰Hu'neanagi mago'mo hanimpima vanuno'a ome traka hugahie, na'ankure msa agripina omne'ne.

¹¹Anagema huteno, mago'ene Jisasi'a anage hu'ne, ronetimo Lasarusi'a avu mse'ne, hianagi menina Nagra ome azeri otigahue.

¹²Amage nentaza disaipol nagamo'za anage hu'naze, Ramoka, agra avu'ma mse'nesuno'a, knare hugahie.

¹³Jisasi'ma hu'neana, Lasarus ko fri'nea zanku hu'neanagi, zamagrama antahizana amne avu mse'zanku nehie hu'za antahi'naze.

¹⁴Jisasi'a anante huama huno zamasmi'ne, Lasarusi'a ko fri'ne,

¹⁵Tamagri tamaza hanigu Nagra muse nehu'na, ana kumatera omni'noe, e'ina hanigeta tamagra tamentinti hugahaze. Hianagi erinketa agritega vamneno.

¹⁶E'ina hianagi Tomasi (Didimasi'e hu'neana kugavezare) nehaza ne'mo, magoka Jisasi amage nentaza disaipol nagaku huno, tagranena erinketa vuta Agrane ufri'maneno hu'ne.