Yohane 11:5-16

⁵Nga Yesungo Mata muneagoc amma Radzaro yeni heresongogoc hoangyunukefec.

⁶Anu yeng ine siduc imoc negemma uameme yohockang bangec ihaingoc torokpema kefec.

⁷Ifi kecmaguc medacfora yofi edeyunuec, “Nenang Yudaia bangecfu dzigenema kenni.”

⁸Ifi deu medacfora yeneng degec, “Rabbi, yudangic yeneng hocngo gerebeso anggec nga geng naso mi hereemanu monggoc ihai kennade.”

⁹Ifi degec Yesungo yofi merenec, “Uameme mocguac manau aua 12 fede nga ngic mongngo wenacfu sing kengande, ye naric mi fopockeu makpeude nocac ye bangectoa bangec imocac kperagi henude.

¹⁰Nga mong ye kundunnu kengande, ye fopockeu makpeude nocac yearu kperagia mong mi fede.”

¹¹Ifi dema yoac monggoc torokpema edeyunuec, “Nenang ogonina Radzaro gau feu ni midiba yarudeac ihai kembade.”

¹²Ifi deu medacfora yeneng degec, “Kebu, ye gau fedeu fekecma ngereeude.”

¹³Yesungo Radzaroac homecac deu, yeneng ine negenggec gautehec feu dede isoc anec.

¹⁴Imocac ye tongganang yofi edeyunuec, “Radzaro ye bic homedac.”

¹⁵Nga ngeni negensinggegecdeac amma ni imohai mi kefaiac ubangerec negenduae. Ngeni yaguc hagec yearu kenni.

¹⁶Ifi deu Toma kpara mong Tombosonga yeng medac ogofora edeyunuec, “Nenang ifingoc yegoc homenideac kenni.”