Jon 11:5-16

⁵Iesu baigan ane Maata ge me yogiyawa ge Rasaros gumbo.

⁶Iesu anone Rasaros me yuwarane, megara me wakenewa apa oiyat duwam sira wakene.

⁷Meve me aigowawa gumbo wane, “Sira Judia anta.”

⁸Aigowawa me gumbe waya, “Rabai, watavit koni kusi da, Ju igiyawa an gumbe tottan aya, megara sira taig asime agetan ege?”

⁹Iesu gara wane, “Kum me kum koniwa 12 gaibu, go onan? Da bira kum aipewa me uyug den aikpe. Kuiyawa me piyu mame eyawa meuma yavivi.

¹⁰Da bira arampuna aipewa me uyug aikpe. Kuiyawa me danave eyawa den wakene.”

¹¹Namu me mame wane, ivi sira dirum wane, “Apan numawa Rasaros me di kubvinivine, megara ne asime angeni, me wagwa nampna wan yoipe.”

¹²Me aigowawa garawa me gumbe waya, “Ayapan, me kubvinigimpe ipewa, me sira oraimina ape.”

¹³Iesu me bo meumawa oya wane. Megara me aigowawa anoyawa me kubiren oya waivi.

¹⁴Meve Iesu taibe mu dirumne, “Rasaros me boane.

¹⁵Ne yenan degadega eni ne me apa onan. Kuiyawa ye anotumat aigimtan oya. Megara menan anta.”

¹⁶Meve Tomas (mu waya Didimas) aigowawa upeba gumbo wane, “Nu mina anta, sira me gaibu bo ata.”